1 րոպեի ընթերցում
ԵՐԵՎԱՆ, 18 ՄԱՐՏԻ, ԱՐՄԵՆՊՐԵՍ: Երեւանում մարտի 22-24-ը կայանալու է Հայաստանի ֆինանսական հատվածին նվիրված «FINAR» ցուցահանդեսը, որին հատուկ տաղավարով կմասնակցի նաեւ ՀՀ կենտրոնական բանկը: Ինչպես «Արմենպրես»-ին տեղեկացրին «Էքսպոմեդիա» ցուցահանդեսների նախագծման կենտրոնից, ցուցահանդեսի հիմնական նպատակն է` ստեղծել, զարգացնել և ամրապնդել գործարար հարաբերությունները իրենց ծառայությունները ֆինանսական շուկաներում առաջարկող ընկերությունների, ինչպես նաեւ գործարարների եւ մասնավոր անհատների միջև:
«FINAR»-ը հնարավորություն է ընձեռում ֆինանսական ապրանքի լայնածավալ խթանմանը և նրա դիրքավորմանը ֆինանսական միջավայրում, ուղղակի կապ ստեղծել պոտենցիալ հաճախորդների հետ, որոշել ընկերության ռազմավարությունը` ֆինանսական արտադրանքի ձևերի և տեսակների պահանջարկի դիտարկելու միջոցով, պահպանել և զարգացնել ընկերության իմիջը:
«FINAR» ցուցահանդեսի կազմակերպման պաշտոնական աջակիցներն են ՀՀ կառավարությունը, ՀՀ ֆինանսների նախարարությունը եւ ՀՀ կենտրանական բանկը: