1 րոպեի ընթերցում
ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: Հարավաֆրիկյան Հանրապետության Տսվանե քաղաքում հարսանեկան արտասովոր արարողություն է տեղի ունեցել: Ինչպես հաղորդում է «Արմենպրես»-ը` վկայակոչելով ռուսական լրատվամիջոցները, ութնամյա Սանելե Միսալելան ամուսնացել է 61-ամյա Հելեն Շաբանգումի հետ, ով հինգ երեխաների մայր է:
Թեպետ երկրում գործող օրենքների համաձայն` նրանց ամուսնությունը իրավական ուժ չունի, նորապսակները եւ հյուրերը բավական լուրջ էին տրամադրված արարողությանը: Փեսացուն հայտարարել է, որ իր ամուսնության մասին որոշում ընդունել է երազում մահացած պապիկին տեսնելուց հետո: Պապիկը ցանկություն է հայտնել, որպեսզի նա ամուսնանա Հելենի հետ:
Զույգերը մտադիր չեն միասին ապրել: Ապագայում տղան մտադիր է կրկին ամուսնանալ: