Իրենց երկարակեցության համար ֆրանսիացիները պարտական են «Ռոկֆոր» պանրին

ԵՐԵՎԱՆ, 22 ԴԵԿՏԵՄԲԵՐԻ, ԱՐՄԵՆՊՐԵՍ: Համաձայն վիճակագրության` ֆրանսիացիները հանդիսանում են «Եվրոպայի չեմպիոն» ամենաերկարակյացը լինելու առումով. նրանց կյանքի միջին տեւողությունը 84,8 տարի է: Ինչպես հաղորդում է «Արմենպրես»-ը` վկայակոչելով Le Parisien-ը, բրիտանացի գիտնականները հայտնաբերել են, որ ֆրանսիացիների երկարակեցության գաղտնիքներից մեկը «Ռոկֆոր» պանիրն է` ստացված կապտականաչ բորբոսի եւ պանրի համադրությամբ:

Գիտնականները փաստել են, որ հենց հակաբորբոքային հատկության շնորհիվ այս պանրի տեսակի մեջ պարունակվող բորբոսն օգտակար ազդեցություն է ունենում սրտանոթի վրա` ապահովելով ֆրանսիացիների երկարակեցությունը:

Պանրի դրական ազդեցությունն ավելի մեծ է գնահատվում, քան երշիկեղենի եւ ալկոհոլի բացասական ազդեցությունը, որոնք բոլորն էլ ֆրանսիացիներն օգտագործում են մեծ քանակությամբ: