1 րոպեի ընթերցում
ԵՐԵՎԱՆ, 30 ՀՈԿՏԵՄԲԵՐԻ, ԱՐՄԵՆՊՐԵՍ: Ռուսաստանի գավաթի խաղարկության 1/8-րդ եզրափակչի շրջանակներում կրասնոդարյան դերբիում Հայաստանի ազգային հավաքականի հարձակվող Մարկոս Պիզելիի խփած միակ գոլի շնորհիվ «Կուբան»-ն առավելության է հասել «Կրասնոդար»-ի նկատմամբ:
Ինչպես հաղորդում է «Արմենպրես»-ը`Մարկոսն աչքի է ընկել հանդիպման 18-րդ րոպեին: «Կուբան»-ի կազմում հանդես եկող մեր ընտրանու մյուս ֆուտբոլիստը` Արաս Օզբիլիզը, խաղադաշտ է դուրս եկել 59-րդ րոպեին:
«Կրասնոդարի» հայտացուցակից բացակայել է թիմի առաջատար Յուրա Մովսիսյանը, ում գլխավոր մարզիչ Սլավոլյուբ Մուսլինը հանգիստ էր տրամադրել:
Այսպիսով «Կուբան»-ը դուրս է եկել գավաթի խաղարկության 1/4եզրափակիչ: