1 րոպեի ընթերցում
ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Մոլդովայի ֆուտբոլի 4 ակումբների՝ «Դաչիա», «Զիմբռու», «Կոստուլենա» եւ «Սֆինթուլ Գեորգե»-ի գրասենյակներում երկրի դատախազության կողմից զննումներ են կատարվել եւ կազմակերպչական տեխնիկա Է առգրավվել. այս մասին տեղեկացնում Է «Արմենպրես»-ը` վկայակոչելով մոսկովյան «Սպորտ-Էքսպրես» հանդեսը:
Մոլդովայի դատախազի տեղակալ Վիորել Մորարուն տեղեկացրել Է, որ այս ակումբների ներկայացուցիչները նախնական պայմանավորվածություններ են ձեռք բերել իրենց թիմերի խաղերի արդյունքների հարցում, իսկ դրանից հետո համապատասխան խաղադրույքներ կատարել` կիսելով ստացված եկամուտը:
Ըստ Մորարույի` այս խախտումների արդյունքում ամեն մի ակումբի եկամուտը հասնել է 100000 եվրո գումարի:
«Ստվերային ֆուտբոլի դեմ» պայքարի միջոցառումները Մոլդովայում անցկացվում են կաշառակերության դեմ ուղղված ազգային ծրագրի շրջանակում: