1 րոպեի ընթերցում
ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Ճապոնիայի մինչև 16 տարեկանների ֆուտբոլի ազգային հավաքականը երկու ստուգողական հանդիպում կանցկացնի Հայաստանի մինչեւ 16 եւ մինչեւ 17 տարեկանների ազգային հավաքականների հետ:
Ինչպես «Արմենպրես»-ին տեղեկացրին Հայաստանի ֆուտբոլի ֆեդերացիայից` սեպտեմբերի 11-17-ը Հայաստանում` Հանքավանի մարզաբազայում եւ ՀՖՖ տեխնիկական կենտրոնում, ֆուտբոլի ակադեմիայում ուսումնամարզական հավաք է անցկացնում Ճապոնիայի հավաքականը:
Հայաստանի մինչեւ 16 տարեկանների ազգային հավաքականի հետ հանդիպումը տեղի կունենա սեպտեմբերի 14-ին` ժամը 13:00-ին, Հանքավանի մարզաբազայում, իսկ Հայաստանի մինչեւ 17 տարեկանների ազգային հավաքականի հետ հանդիպումը` սեպտեմբերի 17-ին` ժամը 16:00-ին, ՀՖՖ տեխնիկական կենտրոնում` ֆուտբոլի ակադեմիայում:
Ճապոնիայի մինչեւ 16 տարեկանների ազգային հավաքականը Հայաստանում նախապատրաստվում է նաեւ Իրանում կայանալիք մինչև 16 տարեկանների Ասիայի առաջնության եզրափակիչ մրցաշարին, ուր մեկնելու է սեպտեմբերի 18-ին: