Սերգեյ Մովսիսյանը հաղթեց հունգարացի Զոլթան Ալմաշին

ԵՐԵՎԱՆ, 9 ՍԵՊՏԵՄԲԵՐԻ, ԱՐՄԵՆՊՐԵՍ: Ստամբուլում ընթացող համաշխարհային շախմատային օլիմպիադայի վերջին` 11-րդ վճռական փուլում, հայ գրոսմայստեր Սերգեյ Մովսիսյանը հաղթեց հունգարացի Զոլթան Ալմաշին: «Արմենպրես»-ի փոխանցմամբ,Հայաստան-Հունգարիա մրցամարտի հաշիվն այս պահի դրությամբ 2:1 է` հօգուտ Հայաստանի հավաքականի։Հուդիթ Պոլգար -Վլադիմիր Հակոբյան մրցամարտում դիրքերը հավասար են:

Գաբրիել Սարգսյան- Ֆերենց Բերկեշ պարտիան ավարտվել էր ոչ ոքի: Առաջին խաղատախտակի վրա միավորը կիսել էին նաեւ առաջատարները` Պետեր Լեկոն եւ Լեւոն Արոնյանը: