368.54
Տարեցտարի ավելանում է արտերկրում սովորող արցախցիների թիվը, նրանց կշարունակենք օժանդակել. Բակո Սահակյան
1 րոպեի ընթերցում
ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ: Արցախի Հանրապետության Նախագահ Բակո Սահակյանը հուլիսի 24-ին ընդունել է «Լույս» հիմնադրամի աջակցությամբ արտասահմանյան բուհերում սովորող մի խումբ հայ ուսանողների: Ինչպես «Արմենպրես»-ին տեղեկացրին Արցախի Հանրապետության նախագահի աշխատակազմի տեղեկատվության գլխավոր վարչությունից` երկրի ղեկավարը գոհունակությամբ նշել է, որ արտերկրի առաջատար բուհերում ուսում ստացած մեր հայրենակիցներն արդեն իսկ աշխատում են հանրապետության տարբեր գերատեսչություններում եւ կազմակերպություններում: Բակո Սահակյանի խոսքով՝ տարեցտարի ավելանում է արտերկրում սովորող արցախցիների թիվը, եւ պետությունը այսուհետ էլ կօժանդակի նրանց այս գործում:
Նախագահն ուսանողների հետ քննարկել է նաեւ Արցախի ներքին եւ արտաքին քաղաքականությանը վերաբերող հարցեր: Հանդիպմանը ներկա է եղել նաև Արցախի Հանրապետության կրթության եւ գիտության նախարար Վլադիկ Խաչատրյանը:
Բաժանորդագրվեք մեր ալիքին Telegram-ում