2 րոպեի ընթերցում
ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Ֆուտբոլի Եվրոպայի առաջնության C խմբի վերջին խաղում իտալացիները ուժերը չափեցին Իռլանդիայի ընտրանու հետ: «Արմենպրես»-ի փոխանցմամբ, հանդիպման առաջին իսկ րոպեին իռլանդացիները կատարեցին առաջին վտանգավոր հարվածը: Դեռեւս ոչ մի միավոր չվաստակած իռլանդացիները ձգտում էին վերջին խաղում գոնե մեկ միավոր վաստակել: Տիրելով խաղային իրադրությանը իտալացիները ակտիվություն մտցրին խաղադաշտում` խաղալով առաջին համարով:
Սակայն մարզադաշտում ցանկալին իրականություն դարձնելը նրանց չէր հաջողվում: Իռլանդացիները մնալով «պապենական» ձեւի մեջ, ստեղծել էին կուռ պաշտպանություն և կարողանում էին կասեցնել իտալացիների առաջխաղացումները:
Հանդիպման միջնամասից հետո «կապույտները» կարող էին ձեռնարկած բազմաթիվ գրոհներով գրավել մրցակցի դարպասը: Դա հաջողվեց Կասանոյին, ով անկյունայինից ստացած փոխանցումը գլխի գեղեցիկ հարվածով ուղարկեց մրցակցի դարպասը (0-1` Իռլանդիա Իտալիա):
Երկրորդ կեսի մեկնարկից իտալացիներն ամբողջողվին տիրում էին գնդակին, եւ խաղադաշտի կենտրոնից զարգացնելով գրոհները` լարվածության մեջ էին պահում մրցակցին:
Իռլանդացիներն իրենց կոպիտ խաղով ավելի շատ տուգանային հարվածների իրավունք էին «նվիրում» մրցակցին, քան գրոհներ էին կազմակերպում: Սակայն խաղի ավարտից 10 րոպե առաջ «կանաչները» կարծես բացեցին երկրորդ շնչառությունը եւ անցան հարձակման: Հակագրոհներից մեկի ժամանակ նրանք կարող էին հավասարեցնել հանդիպման հաշիվը, եթե դարպասապահը չլիներ Բուֆոնը:
Հանդիպման հիմնական ժամանակի ավարտից մեկ րոպե առաջ Մարիո Բալոտելլին գնդակն ուղարկեց իռլանդացիների դարպասը` հաշիվը դարձնելով 0-2:
Իտալացիները «փլեյ օֆ» դուրս եկան` խմբում զբաղեցնելով 2-րդ տեղը:
Իռլանդիա Իտալիա
5 Անկյուն 12
4 Դեղին 3
1 Կարմիր 0