2 րոպեի ընթերցում
ԵՐԵՎԱՆ, ՀՈՒՆԻՍԻ, ԱՐՄԵՆՊՐԵՍ: Եվրոպայի առաջնության C խմբի երկրորդ խաղում իսպանացիները հանդիպեցին Իռլանդիայի ընտրանուն:
«Արմենպրես»-ի փոխանցմամբ՝ հանդիպման չորրորդ րոպեին իսպանացիները բացեցին խաղի հաշիվը: Ստանալով գնդակը հրաշալի գոլի հեղինակ դարձավ Ֆերնանդո Տորեսը (4 րոպե): Առաջ անցնելով հաշվի մեջ աշխարհի չեմպիոնները շարունակեցին ճնշումը մրցակցի վրա:
Ունենալով հոգեբանական եւ խաղային բացարձակ առավելություն, իսպանացիները շարունակեցին գրոհել: Խաղի միջնամասւոմ արդեն ամբողջովին ակնհայտ էր Իսպանայի առավելությունը:
Գնդակին տիրելու իրենց վարպետությունը իսպանացիները ցուցադրում էին գեղեցիկ փոխանցումներով եւ ճշգրիտ հարվածներով: Ամբողջ խաղակեսի ընթացքում նրանք ցուցադրեցին աշխարհի չեմպիոնին վայել իրենց խաղը, որով էլ ստիպում էին մրցակցին անընդհատ վազել գնդակի հետեւից: Իհարկե, հաշիվը կարող էր այլ թվով լինել, եթե իր թիմին բազմից չփրկեր դարպասապահ Գիվենը:
Երկրորդ խաղակեսի կրկին 4-րդ րոպեին իսպանացիները գնդակն ուղարկեցին մրցակցի դարպասը: Իռլանդացիների տուգանային հրապարակում ստեղծված իրարանցման մեջ առաջինը ճիշտ կողմնորոշվեց Սիլվան և գնդակն հանգիստ ուղարկեց ցանցի մեջ: Չբավարարվելով ձեռք բերածով, իսպանացի ֆուտբոլիստներըշարունակում էին լարվածության մեջ պահել իռլանդացիներին:
Իսպանացիները իրենց տարածքային առավելության վերաճեցին նաեւ գոլի: Կենտրոնից ստանալոց գնդակը, դարպասապահի առջեւ միայնակ հայտնված Ֆերնանդո Տորեսը եռապատկեց հաշիվը:
Իսպանացիներից փոխարիման դուրս եկած Սես Ֆաբրեգասը խփեց նաեւ Եվրոպայի գործող չեմպիոնների 4-րդ հաղթական գնդակը:
Իսպանիան հաջորդ խաղում ուժերը կչափի Խորվաթիայի, իսկ Իռլանդիան` Իտալիայի հետ:
Իսպանիա Իռլանդիա
6 Անկյուն 2
2 Դեղին 3
0 Կարմիր 0