2 րոպեի ընթերցում
ԵՐԵՎԱՆ, 14 ՀՈՒՆԻՍԻ, ԱՐՄԵՆՊՐԵՍ: Եվրոպայի առաջնության երկրորդ տուրի մեծ հետաքրքրություն ներկայացնող Գերմանիա-Նիդեռլանդներ խաղը տեղի ունեցավ Խարկովի կենտրոնական մարզադաշտում:
«Արմենպրես»-ի փոխանցմամբ՝ հանդիպման մեկնարկային րոպեներին վտանգավոր գրոհները կազմակերպեցին հոլանդացիները, այստեղ իր բարձրության վրա էր Մանուել Նոյերը: Գերմանացիների պատասխանը հակագրոհներըը նույնպես վտանգավոր էին, բայց դարձյալ անարդյունք: Իրար հաջորդող կայծակնային հակագրոհները անակնկալի էին բերում մրցակիցներին:
Առաջինը հաշիվը բացեցին գերմանացիները: Շվայնշայգերից ստացած գոլային փոխանցումը ճիշտ տեղում եւ ճիշտ ժամանակին գոլի վերածեց Մարիո Գոմեսը (24 րոպե):
Գերմանացիներից երկար ժամանակ չպահանջվեց հաշիվը կրկնապատկելու համար: Հրաշալի գոլի`դուբլի հեղինակ դարձավ Մարիո Գոմեսը, տուգանային հրապարակի անկյունից գնդակն ուղարկելով մրցակցի դարպասը:
Առաջին կեսի ավարտին գերմանացիները ամբողջությամբ տիրել էին խաղային իրադրությանը:
Երկրորդ խաղակեսում գերմանացիների կարծես շարունակում էին առաջին խաղակեսի վերջնամասը: Բայց դարպասին ուղղված նրանց հարվածները եւ հոլանդիայի թույլ պաշտպանական գիծը ոչ մի կերպ դարպասի գրավմամբ չավարտվեցին: Որպես ստեղծված իրադրության շարունակություն՝ դրան հաջորդեցին հոլանդացի Արիեն Ռոբենի ոչ ճշգրիտ հարվածները եւ հաշվի մեջ փոփոխություն չնկատվեց:
Հանդիպման 73-րդ րոպեին Վան Պերսիին հաջողվեց կրճատել հաշվի տարբերությունը: Խփած գոլից հետո հոլանդացիները ավելի մեծ ջանքեր էին գործադրում գերմանացիների դարպասը նորից գրավելու համար: Սրան հետեւում էր Գերմանիայի ընտրանու խաղը հանդարտեցնելու միտումը:
Նիդեռլանդներ Գերմանիա
5 Անկյուն 3
2 Դեղին 1
0 Կարմիր 0