368.18
ՀՅԴ Հայ դատի Փարիզի գրասենյակը ողջունում է Ֆրանսիայի Ազգային ժողովի դիրքորոշումը
2 րոպեի ընթերցում
ԵՐԵՎԱՆ, 22 ԴԵԿՏԵՄԲԵՐԻ, ԱՐՄԵՆՊՐԵՍ: Ֆրանսիայի Ազգային Ժողովում Հայոց ցեղասպանության ժխտումը քրեականացնող օրինագծի շուրջ քվեարկության հստակ պատկերը դեռևս չկա, սակայն հայտնի է, որ օրինագիծն ընդունվել է ձայների ջախջախիչ մեծամասնությամբ: Այս մասին «Արմենպրես»-ի հետ զրույցում նշեց ՀՅԴ Հայ դատի հանձնախմբի Փարիզի գրասենյակի տնօրեն Հրաչ Վարժապետյանը: Նրա տեղեկացմամբ' օրինագիծը Սենատի վավերացմանն է ներկայացվելու հունվարից փետրվարի վերջ ընկած ժամանակահատվածում: «Ֆրանսիայի հայ համայնքը գոհունակություն է հայտնում և ուրախ է, որ օրինագիծն ընդունվեց' ի նպաստ արդարության հաստատման: Մենք մեր աշխատանքները պետք է ակտիվորեն շարունակենք, որպեսզի Սենատը վերջնակապես վավերացնի Ցեղասպանությունը քրեականացնող օրինագիծը»,- ասաց Վարժապետյանը:
Այն ընթացքում, երբ օրինագիծը քննարկվում էր Ֆրանսիայի ԱԺ-ում, թուրքական համայնքը զանգվածային բողոքի ցույց է կազմակերպել խորհրդարանի շենքի առջև: «Ֆրանսիան ցույց տվեց, որ հակառակ թուրքական կողմի քաղաքական և տնտեսական ճնշումներին, չի հանդուժի իր ներքին քաղաքականությանը խառնվելու փորձերը: Ֆրանսիան երբեք չի ենթարկվի նման գործողություններին»,- համոզմունք հայտնեց ՀՅԴ Հայ դատի հանձնախմբի փարիզի գրասենյակի տնօրենը:
Վերջինս նշեց, որ իրենք շարունակելու են հանդիպումները Սենատի ներկայացուցիչները' ներկայացնելով ցեղասպանության հարցի շուրջ իրենց պօահանջներն ու փաստերը:
Բաժանորդագրվեք մեր ալիքին Telegram-ում