1 րոպեի ընթերցում
ԳՅՈՒՄՐԻ, 7 ԴԵԿՏԵՄԲԵՐԻ, ԱՐՄԵՆՊՐԵՍ: Գյումրու բոլոր եկեղեցիներում մատուցվեց հոգեհանգստի պատարագ' հարգելու 1988 թվականի դեկտեմբերի 7-ի ավերիչ երկրաշարժի անմեղ զոհերի հիշատակը: Պատարագներին մասնակցում էին քաղաքական գործիչներ, մարզի բնակիչներ:
Մարդաշատ են ինչպես Գյումրիում գործող եկեղեցիները, այնպես էլ գերզմատաները: Շատ գյումրեցիներ այցելում են աղետին զոհ գնացած հարազատների շիրիմներին՝ սգալու եւ խնկարկելու կորուստը: Մարդկանց հոսքը չի դադարում նաեւ անմեղ զոհերի եղբայրական գերեզմանին: Քաղաքացիների տեղափոխության խնդիրը, ինչպես անցած տարիներին, այս տարի եւս հոգացել էր քաղաքապետարանը՝ տրամադրելով անվճար ավտոբուսներ:
Պսակադրության արարողություն տեղի ունեցավ սբ Ամենափրկիչ եկեղեցու մոտ տեղադրված անմեղ զոհերի հուշարձանին, որին մասնակցեց նաեւ Հայաստանի Հանրապետության վարչապետ Տիգրան Սարգսյանը: