Խոշորագույն վճարային համակարգերը պատրաստվում են եվրոգոտու հնարավոր կազմալուծմանը. Wall Street Journal
2 րոպեի ընթերցում
ՄՈՍԿՎԱ, 28 ՆՈՅԵՄԲԵՐԻ, ԱՐՄԵՆՊՐԵՍ: Բանկերի միջեւ գործարքավարությունների՝ աշխարհի խոշորագույն վաճառամիջնորդ ICAP Plc-ն եւ CLS Bank International-ը (խոշորագույն բազմարժութային վճարային համակարգ արժութային գործարքներով փոխանցումների համար) տեխնիկական նախապատրաստություններ են իրականացնում եվրոգոտու հնարավոր կազմալուծման , գրել Է The Wall Street Journal-ը:
Կիրակի օրը ICAP-ը հաղորդել Է, որ իր Էլեկտրոնային համակարգերը պատրաստում Է հունական դրախմի մասնակցությամբ աճուրդների՝ եվրոյի գոտուց երկրի դուրս գալու դեպքում: «Դրա պատճառն սպասարկյալների երկյուղներն են»,- նշել Է ICAP-ի գործադիր փոխնախագահ Էդվարդ Բրաունը:
ICAP-ն իր համակարգերը թեստավորել Է այն նկատառումով, որ դրախմը կգնվի-կվաճառվի դոլարի եւ եվրոյի հետ զույգ կազմած: Այս փորձերն, ինչպես սպասվում Է, կօգնեն նախապատրաստվելու եվրոգոտուց նաեւ այլ երկրների պոտենցիալ դուրս գալուն:
Բացի դրանից, ըստ իրազեկ աբյուրների տվյալների՝ ի դեպս եվրոգոտու կործանման, համաման «սթրես-թեստեր» Է իրականացնում CLS-ն:
Եթե ընդամենը մի քանի ամիս առաջ ոչ ոք լրջորեն չԷր քննարկում եվրոգոտու կազմալուծման հնարավորությունը, այժմ, անորոշության աճի համեմատ առեւտրականներն ու ներդրողները ջանում են նախապատրաստվել իրադարձությունների հնարավոր բոլոր զարգացումներին: Անցյալ շաբաթ Barclays-ի կատարած հարցման տվյալներով՝ 1000 ներդրողների գրեթե կեսն սպասում Է 2012 թվականին եվրոգոտուց առնվազն մեկ երկրի դուրս գալուն: