2 րոպեի ընթերցում
ՆՅՈՒ ՅՈՐՔ, 25 ՆՈՅԵՄԲԵՐԻ, ԱՐՄԵՆՊՐԵՍ: Համաշխարհային հարստությունը սրընթաց կերպով աճում Է, վկայում են Goldman Sacks-ի վերլուծաբանները: Մինչեւ 2030 թվականն այն մարդկանց թիվը, ովքեր տարեկան ստանում են ավելի քան 6 000 դոլար, կկրկնապատկվի, աճի առյուծի բաժինը կտան զարգացող երկրները: Փորձագետները Ռուսաստանի համար սպառողական տրամադրությունների այնքան բուռն զարգացում են կանխատեսում, որ պետությունն ստիպված կլինի այն սահմանափակել:
Մինչեւ 2030 թվականն աշխարհում այն մարդկանց թիվը, ովքեր կարող են իրենց համարել միջին դասի ներկայացուցիչներ, կաճի 2,7 միլիարդով: Այս աճի 98 տոկոսը կտան զարգացող երկրները, այդ թվում՝ ԲՌՀՉ-ի երկրները, ասված Է զարգացող Էկոնոմիկայով երկրների սպառման մասին Goldman Sacks ընկերության հաշվետվության մեջ: Ինը տարում սպառման աճը կհասնի 10 տրիլիոն դոլարի, 2020 թվականին զարգացող Էկոնոմիկաներով երկրներում այս ցուցանիշը կհասնի 13 տրիլիոն դոլարի եւ կկազմի համաշխարհային միագումար մակարդակի 43 տոկոսը:
Այսքան բուռն աճը կարող Է հանգեցնել այն բանին, որ համաշխարհային Էկոնոմիկայում կհայտնվի սպառողների եւս մեկ «երկիր», որի Էկոնոմիկան համեմատելի կլինի ԱՄՆ-ի հետ:
Համաշխարհային սպառման աճի բնագավառում կարեւոր դեր կունենան ԲՌՀՉ-ի երկրները. դրանց բաժինն անցյալ տասնամյակի 23 տոկոսից 2010 – 2020 թվականներին կաճի մինչեւ 62 տոկոս: Goldman Sacks-ի վերլուծաբանները հաշվարկել են, որ ամեն տարի սպառումը կաճի 10 տոկոսով: