ՄԱԳԱՏԷ-ն պաշտպանում Է Իրանի վերաբերյալ ներկայացրած իր զեկույցը. The Financial Times Ջեյմս Բլից
3 րոպեի ընթերցում
ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ: Ատոմային Էներգիայի միջազգային գործակալության ղեկավար Յուկիա Ամանոն նախօրյակին հայտարարել Է, որ իր պարտքն Էր համարում «աշխարհին նախազգուշացնել» ատոմային ռումբ մշակելու Իրանի ենթադրվող փորձերի մասին: ՄԱԳԱՏԷ-ի գլխավոր տնօրեն ասել Է, որ այս ամսին ՄԱԳԱՏԷ-ի զեկույցի հրապարակումից հետո, ըստ որի՝ Թեհրանը միջոցներ Էր ձեռնարկում միջուկային զենք ստեղծելու համար, «հարկ Է, որ Իրանը պատասխանի մի քանի հարցերի»:
Մինչ այդ վեց տերություններ, որոնք մասնակցում են իրանական միջուկային հիմնախնդրի դիվանագիտական կարգավորմանը՝ ԱՄՆ-ը, Ռուսաստանը, Չինաստանը, Ֆրանսիան, Մեծ Բրիտանիան եւ Գերմանիան, հաղթահարել են իրենց տարաձայնությունները եւ միասնական ճակատով են հանդես եկել ՄԱԳԱՏԷ-ի կառավարիչների խորհրդի նիստում:
Ինտենսիվ բանակցությունների ընթացքում նրան մշակել են համատեղ բանաձեւ եւ այն ներկայացրել ՄԱԳԱՏԷ-ի ղեկավար մարմնի մեջ մտնող 35 պետություններին, որը պետք Է քննարկի բանաձեւը եւ քվեարկի դրա շուրջ:
Վեց տերությունների կողմից պատրաստված բանաձեւի նախագիծը, որի պատճենին կարողացել Է ծանոթանալ «Ռոյթեր» գործակալությունը, «խորը եւ աճող տագնապ» Է հայտնում Իրանի միջուկային ծրագրի կապակցությամբ եւ կոչ Է անում այդ երկրին՝ լիարժեք համագործակցել ՄԱԿ-ի տեսուչների հետ:
Նախագիծը ցույց Է տալիս, որ Ռուսաստանը եւ Չինաստանը պատրաստ են ԱՄՆ-ի դաշնակիցների հետ միասին քննադատել Իրանին, չնայած միջուկային զենքի մշակման իրանական ծրագրի վերաբերյալ ծավալուն զեկույց հրապարակելու ՄԱԳԱՏԷ-ի որոշման առթիվ Մոսկվայի եւ Պեկինի ունեցած կասկածներին:
Սակայն այդ բանաձեւը Արեւմուտքում եւ Իսրայելում՝ Իրանի երդվյալ թշնամին հանդիսացող երկրում, չի բավարարի նրանց, ովքեր հուսով Էին, որ ՄԱԳԱՏԷ-ի փաստաթուղթը միջազգային մակարդակով Թեհրանին սանձահարելու կոնկրետ գործողությունների կբերի, ինչպես, ասենք՝ ՄԱԳԱՏԷ-ի դիմումը ՄԱԿ-ի Անվտանգության խորհրդին: Դիվանագետների մեծ մասն այն կարծիքին Է, որ դեռ որոշ ժամանակ կանցնի, նախքան Իրանի դեմ ՄԱԿ-ի պատժամիջոցներ սահմանելու նոր փորձ կձեռնարկվի:
Իրանը պնդում Է, որ ինքն ուրան Է հարստացնում միայն ատոմային Էլեկտրակայանների, այլ ոչ թե միջուկային զենք ստեղծելու համար: Նա մերժում Է հիմնականում արեւմտյան ծագման հետախուզական տվյալները, որոնք իր զեկույցում մատնանշում Է ՄԱԳԱՏԷ-ն, եւ գործակալությանը մեղադրում Է կողմնակալության մեջ:
Սակայն, ինչպես նշել Է Ամանոն, ՄԱԳԱՏԷ-ի փորձագետները մանրակրկիտ ստուգել են տեղեկատվությունը եւ կազմել Իրանի գործունեության «հստակ, հետեւողական եւ համոզիչ պատկերը»: «Մենք պարտավոր ենք նախազգուշացնել աշխարհին, նախքան միջուկային զենքի տարածումը»,-նշել Է նա: