3 րոպեի ընթերցում
Տեքստը հեռուստասյուժեի շարադրանքն է
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Այսօր Ռուսաստանն ու Չինաստանը պաշտպանում են Իրանին միջուկային զենք ունենալու նրա ենթադրվող ձգտման շուրջ ուժգնացող դիվանագիտական ճակատարմարտերում: Չինաստանը Իրանի ոչ շատ բարեկամներից մեկն է, որոնք նրանից չհեռացան նրանից հետո, երբ երկիրը հայտնվեց աճող մեկուսացման մեջ: Fox News-ի (ԱՄՆ) ավագ թղթակից Էրիկ Շոնը պարզել Է, թե ինչու:
Իրանական միջուկային ծրագրի հաջորդ փուլը ՄԱԿ-ի Անվտանգության խորհուրդն Է: Բայց եթե այնտեղ ինչ-որ բան Էլ պատահի, չափից ավելի մեծ չի լինի, քանի դեռ Չինաստանը կանգնած Է ռինգի իրանական անկյունում: Մանավանդ, օրերս Մոսկվայում կայացած հանդիպման ժամանակ չինացի եւ ռուսաստանցի դիվանագետները հայտարարեցին, որ Իրանի վերաբերյալ ոչ մի նոր պատժամիջոց չեն պաշտպանի:
Իրանի այս երկու գլխավոր պաշտպանները վետո կդնեն ցանկացած պատժամիջոցի վրա, որովհետեւ Չինաստանի դեպքում խոսքը վերաբերում Է Թեհրանի գլխավոր առեւտրական գործընկերոջը: Միայն այս տարի համատեղ գործարարության ծավալը կազմել Է 40 միլիարդ դոլար, ինչը բավականաչափ շատ Է յուրաքանչյուր նշանակալի պատժամիջոց արգելափակելու համար: Նույնիսկ Օբամայի վարչակազմի դաշնակիցներն են Սպիտակ տանը կոչ անում գործադրելու ավելի մեծ ջանքեր:
Չառլզ Շումեր, սենատոր. Չինաստանն, իմ կարծիքով, հակազդում Է մեր կողմից Իրանի վրա կիրառվող ամեն մի տնտեսական ճնշման, որը կարող Է նրան դրդել հրաժարվելու միջուկային զենքի ստեղծման ծրագիրը զարգացնելուց: Դա ամոթալի դիրքորոշում Է: Մենք պետք Է Չինաստանի հետ շատ ավելի կոշտ լիենք, քան նախկինում:
Չինաստանի մի քանի ընկերությունների դատարանով մեղադրել են այն բանում, որ դրանք Իրանին գաղտնաբար օգնել են նրա ատոմային ծրագրի իրագործման հարցում: Նյու Յորքում մի ընկերության մեղավոր են ճանաչել հրթիռային եւ միջուկային տեխնոլոգիայի ապօրինի հանձնման մեջ: Մնացածները պատժամիջոցների են ենթարկվել ԱՄՆ-ի եւ դաշնակիցների կողմից:
Մայքլ Սինգհ, Վաշինգտոնի ինստիտուտ. Պարզվել Է, որ Չինաստանի ընկերություններն Իրանին մատակարարել են կարեւորագույն արտադրանք, օրինակ՝ ցենտրիֆուգների կառուցման համար նախատեսված կարբոնային մանրաթել: Բացի դրանից, Չինաստանը ներգրավված Է Իրանի հրթիռային ծրագրում, որը միջուկային ծրագրի բաղկացուցիչ մասն Է: ՄԱԿ-ի Անվտանգության խորհրդի բանաձեւերը քիչ են օգնում: