Վրաստանը ՆԱՏՕ-ին պատերազմի մեջ չի ներքաշի

(The Washington Times), Բեն Բիռնբաում

ԵՐԵՎԱՆ, 7 ՆՈՅԵՄԲԵՐԻ, ԱՐՄԵՆՊՐԵՍ: Վրաստանում իշխանության ուժով եւ ազդեցությամբ երկրորդ մարդը' Դավիթ Բաքրաձեն, խոստացել Է, որ իր երկիրը ՆԱՏՕ ընդունվելու դեպքում դաշինքին չի ներքաշի Ռուսաստանի դեմ պատերազմիմեջ: Նա հայտարարել Է, որ այսօր Մոսկվայի հետ նոր առճակատման հնարավորությունները շատ ավելի փոքր են, քան մինչեւ 2008 թվականի հակամարտությունը:

«Մենք միակողմանի կարգով ուժի չկիրառման պարտավորություն ենք ստանձնել, ուստի ոչ մի կերպ ՆԱՏՕ-ի համար խնդիրներ չենք ստեղծի հինգերորդ հոդվածի կիրառման կամ Վրաստանի եւ Ռուսաստանի միջեւ հնարավոր ռազմական առճակատման առումով»,-»Վաշինգտոն թայմս»-ին տված հարցազրույցում հայտարարել Է վրացական խորհրդարանի խոսնակ Դավիթ Բաքրաձեն:

«Մենք այժմ Էլ Ռուսաստանի ղեկավարների կողմից սպառնալից հայտարարությոններ ենք լսում, սակայն ինձ թվում Է, որ ներկայիս միջազգային իրադրության մեջ Ռուսաստանը հազիվ թե համարձակվի խոշոր չափերով ռազմական ուժ օգտագործել Վրաստանի դեմ: Այնպես որ, եթե ինձ հարցնեք՝ ես կասեմ, որ նոր ներխուժման կամ խոշորամասշտաբ հակամարտության հավանականությունը փոքր Է, այն անհամեմատ ավելի փոքր Է, քան մինչեւ 2008 թվականի հակամարտությունը:

2008 թվականի հակամարտությունից հետո Վրաստանի եւ Ռուսաստանի միջեւ չկան դիվանագիտական հարաբերություններ: Բաքրաձեն դրա համար մեղադրում Է բացառապես Ռուսաստանին: «Գնդակը Ռուսաստանի կողմում Է, որովհետեւ հենց որ նրանք որոշեն բանակցութուններ սկսել, մենք պատրաստ կլինենք այդ բանակցություններին»,-ասել Է նա:

Բաքրաձեն հայտարարել Է, որ Աբխազիայում եւ Հարավային Օսիայում ռուսաստանյան զորքերի ներկայությունը չպետք Է խոչընդոտի ՆԱՏՕ-ին Վրաստանի անդամագրվելուն: Որպես Հյուսիսատլանտյան դաշինքին Վրաստանի անդամակցության օրինակ նա բերել Է սառը պատերազմի ժամանակների Գերմանիան:

«Գերմանացիների համար, երբ նրանք անդամակցում Էին ՆԱՏՕ-ին, կային մի քանի հատուկ կանոններ ու նորմեր: Այդ կանոնները վերաբերում Էին տարածքային ամբողջականության հարցին եւ Արեւելյան Գերմանիայում խորհրդային զորքերի ներկայությանը: Այնպես որ նախադեպեր արդեն կան, եւ ինչ վերաբերում Է որոշում ընդունելուն, ապա ես չեմ կարծում, որ դա անհաղթահարելի խոչընդոտ Է»,-ասել Է Բաքրաձեն:

Նա հույս Է հայտնել, որ ՆԱՏՕ-ի՝ Չիկագոյում կայանալիք գարնանային գագաթնաժողովը «առաջընթաց» եւ «պարզություն» կմտցնի Վրաստանի անդամակցության հարցում: Դրա հետ մեկտեղ, խորհրդարանի խոսնակը խոստացել Է, որ Վրաստանը իր զորակազմը կպահպանի Աֆղանստանում՝ անկախ ՆԱՏՕ-ի որոշումից: «Մենք այնտեղ կմնանք մինչեւ մարտական գործողությունների հաջող ավարտը»,-հայտարարել Է Բաքրաձեն: «Մեր տղաները ամբողջ ծավալով կատարում են մարտական առաջադրանքները Գիլմենդի նահանգում: Մենք ուրիշ մի քանի երկրների պես պահեստներ չենք հսկում»,-ասել Է Բաքրաձեն՝ տասը տարի շարունակվող աֆղանական պատերազմը որակելով որպես «մեր ընդհանուր պայքարը»:

39-ամյա Բաքրաձեն, որը Սահակաշվիլիի քաղաքական դաշնակիցն Է, ավելի վաղ զբաղեցրել Է արտաքին գործերի նախարարի պաշտոնը: Այն հարցին, թե նա չի պատրաստվում արդյոք 2013 թվականի ընտրություններում փոխարինել ներկայիս նախագահին, Բաքրաձեն խուսափոխական պատասխան Է տվել:

«Ես շահագրգռված եմ մնալու քաղաքականության մեջ, բայց եթե շահագրգռված ես դրանում, ոչ մի հնարավորություն չի կարելի բացառել»,-նշել Է նա: «Պետք Է կանխապահովել կուսակցության, ինչպես նաեւ բնակչության աջակցությունը: Եթե այս բոլոր տարրերը առկա լինեն, ոչ մի քաղաքական գործիչ, որքան ինձ հայտնի Է, չի բացառի դրա հնարավորությունը»: