4 րոպեի ընթերցում
(The National Interest, ԱՄՆ) Փոլ Ռ. Փիլար
ԵՐԵՎԱՆ, 4 ՆՈՅԵՄԲԵՐԻ, ԱՐՄԵՆՊՐԵՍ: Ժողովրդագրական այն նորությունների ֆոնի վրա, թե աշխարհի բնակչությունը հասել Է յոթ միլիարդի. կա՛մ արդեն հասել Է, կա՛մ դա տեղի կունենա մի քանի ամսվա ընթացքում, կախված այն բանից, թե ում հաշվարկներին եք դուք ավելի շատ վստահում, Չինաստանի Սինհուա գործակալությունը սյուժե Է պատրաստում ՉԺՀ-ի ժողովրդագրական միտումների, մասնավորապես, երկու կարեւոր միտումների մասին: Առաջինը բնակչության ծերացումն Է այն պայմաններում, երբ չափազանց ցածր ծնելիությունը չի փոխհատուցում տարեցների շարքերի աճը:
Մյուսը գենդերային հավասարակշռախախտումն Է, որը բացատրվում Է, հիմնականում, «մեկ երեխայի քաղաքականությամբ» եւ ընտրողական աբորտներով (որոշումն ընդունվում Է ապագա երեխայի սեռով), որն ակներեւ Է դառնում չափահաս բնակչության մեջ: Այսօրվա դրությամբ Չինաստանում տղամարդիկ մոտավորապես 15 միլիոնով ավելի են, քան կանայք: Այս անհամապատասխանությունն Էլ ավելի ցայտուն կարտահայտվի հետագա տասը տարիների ընթացքում. ըստ գնահատումների՝ այդ ժամանակահատվածում մոտավորապես 30 միլիոն տղամարդ չի կարողանա հարսնացու գտնել եւ ամուսնանալ:
Այս ժողովրդագրությունը լուրջ խնդիրներ Է դնում Չինաստանի ղեկավարության առջեւ: Մեծ թվով տարեցների աճող բեռը, որոնց անհրաժեշտ Է իրենց դեռեւս աշխատող ավելի երիտասարդ եղբայրակիցների աջակցությունը, կարող Է դանդաղեցնել տնտեսական աճը: Չինաստանի ղեկավարները որոշակիորեն ցանկանում են խուսափել վերջին երկու տասնամյակում ճերմակող Ճապոնիայի փորձը կրկնելուց: Ինչ վերաբերում գենդերային հարաբերակցությանը, ամուրի երիտասարդ չափահաս տղամարդկանց ավելցուկը պատմականորեն կապված Է անկայունության եւ ինչպես ներքին, այնպես Էլ արտաքին բռնությունների նկատմամբ հակում ունենալու հետ: Չամուսնացած տղամարդիկ, օրինակ՝ անհամաչափ մեծաթիվ են ահաբեկիչների շարքերում: Անցյալում ահաբեկիչներին ավելի հաշտ կյանքի տրամադրելու Իսրայելի ջանքերը հատկապես կենտրոնանում Էին այն բանի վրա, որ ամուսնացնեն նրանց:
Պեկինի համար պոտենցիալ դժվարություններն ակնհայտ են, իսկ ահա Արեւմուտքի համար հետեւանքները՝ ոչ: Չինաստանի այս ժողովրդագրական միտումները կարող են տարբեր կերպ ազդել անվտանգության ոլորտում Արեւմուտքի շահերի վրա: Քանի որ Պեկինն ավելի շատ զբաղված Է ներքին խնդիրներով, եւ նրա աճը դանդաղում Է, Չինաստանի հետագա վերելքը եւ այն սպառնալիքը, որ նա կարող Է ներկայացնել, նվազում Է: Եվ եթե այդ ամուրի տղամարդկանցից ոմանք դառնան սոցիալական ձախորդներ, չկարողանան դասավորել իրենց կյանքը, այն իշխանությունը, որի դեմ նրանք կընդվզեն, կլինի հենց չինականը: Այս չափման հետեւանքները շատ դրական են Արեւմուտքի համար:
Փոխհատուցող բացասական չափումն այն Է, որ գենդերային հավասարակշռախախտումը եւ այդ հավասարակշռախախտման միտումը, որը կապված Է անկայունության եւ ավտորիտարիզմի հետ, կգործեն արեւմտյան ուղղությամբ չինական քաղաքականության եւ հասարակության ցանկալի Էվոլյուցիայի դեմ: Ավելի վատ կլինի, եթե չամուսնացած տղամարդկանց ձախորդությունները վերածվեն ռազմական արկածախնդրության. գենդերային հավասարակշռախախտման եւս մեկ հետեւանք, որի ականատեսները եղել ենք անցյալում: