Կառավարության գործունեության գնահատականներն այսօրվա մամուլում

ԵՐԵՎԱՆ, 1 ՆՈՅԵՄԲԵՐԻ, ԱՐՄԵՆՊՐԵՍ:ՀՀԿ-ն ունի բավականաչափ մտավոր և մարդկային ներուժ իր առջև դրված նպատակները կյանքի կոչելու համար. սա Հայաստանի հանրապետական կուսակցության առաջին տնտեսական համաժողովի արձանագրումն է, ՀՀ կառավարության չորս տարվա գործունեության յուրատեսակ ամփոփումը: «Հայաստանի Հանրապետությունը»ներկայացրել է համաժողովի ամփոփ հաշվետվությունը, նաև վարչապետ Տիգրան Սարգսյանի հանդիպումը ԶԼՄ-ների ներկայացուցիչների հետ. «Ցանկություն ունենք կառուցելու մեր ապագան համագործակցության մթնոլորտում»: «Հրապարակը»առաջին էջում զետեղված տեղեկատվությունը սկսել է այսպես. «Հոկտեմբերի 30-ին տեղի է ունեցել ՀՀԿ տնտեսական համաժողովը, որտեղ ներկայացվել են Հայաստանի տնտեսության աննախադեպ հաջողությունները»: «Հայոց աշխարհը»կարծում է, որ «Հանրապետականը կարող է դիմակայել մարտահրավերներին»: «Իրատես դե ֆակտոն»միջոցառումն անվանել է «Բարոմետր` ժողովրդի զարկերակն զգալու համար», հույս հայտնելով, որ առաջիկա տարիների անելիքները «սոսկ թղթի վրա «ֆիքսված» հայտարարությունե չեն լինի: «Տնտեսական կոնֆերա՞նս, թե՞ նախընտրական քարոզչությունե, հարցնում է «Հայացքը», տնտեսական կոնֆերանս անցկացնելու գաղափարը հետաքրքիր համարելով, դիտարկումներ անում «բազմակարծություն ապահովելուե անհրաժեշտության շուրջ: Իսկ ահա այն, որ թափանցիկություն ապահովելու նպատակով տնտեսական կոնֆերանսն ամբողջությամբ հեռարձակվել է «Արմնյուզով», զայրացրել է «168 ժամին». «Բացառիկ անհեթեթություն»: Նկատելով, որ երկրի տնտեսական վիճակի և զարգացումների վերաբերյալ իր տեսակետը ներկայացնում է կառավարությունը, և դրանով արդեն տնտեսական համաժողովը դուրս էր նեղ կուսակցական շրջանակներից, «Իրավունքը»համաժողովի արդյունքը համարում է «Օլիգարխներին սանձելու հերթական խոստումներ»: Լրատվամիջոցներին շատ է դուր եկել «կոտրած տաշտակիե թեման, որ դարձել է մի շարք հրապարակումների վերնագիր և շահարկումների թեմա. «Ինքնացնցում իշխանական տաշտակումե («168 ժամ»), «Վարչապետի տաշտակն ու նախագահի իմպիչմենտը», «Նահանջ երգով» («Երկիր»), «Կոտրված տաշտակը` աչքներիս առաջ» («Հրապարակ») և այլն:

«Հարկային փաթեթը ծանրանալու է տնտեսական աճի ու սպառողների վրա», ահազանգում է «Օրակարգը»: «Երկիրը»փորձում է զննել կառավարության ներկայացրած` հարկային դաշտում բարեփոխումներ կատարելու օրենսդրական փաթեթը, իսկ նախկին վարչապետ Հրանտ Բագրատյանը շարունակում է մռայլ կանխատեսումներ անել Հայաստանի ապագայի մասին. «Հրապարակ»օրաթերթը նրա հետ հարցազրույցը վերնագրել է հենց այսպես. «Բագրատյանը կանխատեսում է պատերազմ և «շռնդալից» պարտություն»: Իսկ ահա Հայաստան երկրի ապագայով մտահոգված մի խումբ պարկեշտ մարդիկ հավաքվել են «Գոլոս Արմենիի»թերթի Կլոր սեղանի շուրջ, և կարծում են, որ երկրի արտադրության զարգացման համար պահանջվում են համակարգային փոփոխություններ, նեղ անձնական խնդիրներ լուծելու և վիրավորական արտահայտությունների փոխարեն ապավինելով իրենց փորձին և առողջ տրամաբանությանը:

«Իրավունքը»անդրադարձել է այս տարվա առաջին եռամսյակների ընթացքում պետբյուջեի կատարման վերաբերյալ ՀՀ ֆինանսների նախարարության տեղեկատվությանը և հանգել եզրակացության, որ «հայաստանյան թանկացումների հիմնական պատճառը եղել և մնում են մոնոպոլիաներըե: Ըստ «Հայկական ժամանակի»Հայաստանից արտահանման ծավալների ընդլայնումը ներկայացվում է որպես տնտեսական առաջընթացի, արդյունաբերության առաջանցիկ թռիչքի լավագույն ապացույց, ինչից, թերևս, դժգոհ թերթն առաջարկել է «Ուղեղները չարդուկելե, քանի որ «արտահանման ծավալների այդքան կտրուկ աճը ապահովվում է այնպիսի ոլորտների հաշվին, որոնք տնտեսության զարգացման հետ այնքան էլ կապ չունեն»: «Իրատես դե ֆակտո»-ում տնտեսագետ Թաթուլ Մանասերյանը ներկայացրել է իր տեսակետները Հայաստանի տնտեսության զարգացման առաջնահերթությունների վերաբերյալ, մասնավորապես կարևորելով «մարդկային, ֆինանսական ու արտադրական ներուժիե օգտագործման առավել նպատակային ոլորտների ճշգրտումը և հստակեցումը: Երեկ News.am-ի հարցերին ԲՀԿ-ի ղեկավար Գագիկ Ծառուկյանի պատասխանները որոշ լրատվամիջոցներում լայն արձագանք են գտել:

«Հայացքը»նպատակահարմար է համարել ուղղակի ներկայացնել հարցուպատասխանը, «168 ժամը»իր առաջին էջում հայտարարել է, թե «ներիշխանական հակասությունների գոնե առաջին փուլը կարելի է ավարտված համարել... ՀՀկ-ի փաստացի հաղթանակովե, «Հայկական ժամանակը»հարցրել` «ԲՀԿ-ն ընդդեմ ՀՀկ-ի՞, թե՞ ընդդեմ կոնգրեսի, «Ժողովուրդը»թե` «ԲՀԿ-ն էլի հնազանդվեց ՀՀԿ-ին»: