Կառավարության գործունեության գնահատականներն այսօրվա մամուլում

«Ազգըե գրել է, որ Երևանում մեկնարկած ԱՊՀ անդամ երկրների երկաթուղային տրանսպորտի խորհրդի 55-րդ նիստում ՀՀ վարչապետ Տիգրան Սարգսյանը ներկայացրել է 9 ամիսների ընթացքում երկրում արձանագրված տնտեսական աճի ցուցանիշները, նշել գործընկեր պետությունների հետ առևտրաշրջանառության բարձր մակարդակը, միաժամանակ կարևորել «Հյուսիս-հարավ երկաթուղու կառուցման ծրագիրը որպես ռազմավարական ծրագիրե: «Օրակարգըե հակառակվել է, թե այն «ռազմավարական է միայն թղթի վրաե և թե «դուրս է մնացել ԱՊՀ երկաթուղայինների ուշադրությունիցե: «Հայացքըե փոխանցել է եկող տարվա բյուջեի հարկային մասի ավելացման վերաբերյալ ԱԺ պատգամավորներ Ստեփան Սաֆարյանի («Կառավարության առաջարկը կարող է ուղերձ լինել «անհնազանդ և հնարավոր գործարարներինե), իսկ եկեղեցական գույքին հարկային արտոնություններ տալու օրենսդրական նախագծի վերաբերյալ' ՀՅԴ-ական խորհրդարանական Հրայր Կարապետյանի («տարիներ շարունակ եկեղեցուց խլվել են տարածքներ,... դա հիմա պետք է շտկվիե) տեսակետները: «Եկեղեցապատկան գույքին հարկային արտոնություններ տալու օրենսդրական նախագծի նկատմամբ «Ժողովուրդե-ը և «168 ժամըե հրապարակել են տնտեսագետ Հրանտ Բագրատյանի բացասական տեսակետները («Եկեղեցին գործարան ունի, հողեր, այգիներե և «Էդ ում են ուզում հաճոյանալե): «Հայկական ժամանակիե կարծիքով «կառավարությունը վախենում է իր իսկ կազմած հարկային բարեփոխումների փաթեթը հրապարակելուցե. թերթը նաև հայտնաբերել է և ի լուր աշխարհի հայտարարել, թե իբր նույն այդ փաթեթում նույն այդ «կառավարությունը փորձել է օգտագործել գաղափարներե ՀԱԿ-ի' ժամանակին հրապարակած «100 քայլե ծրագրից: «Հրապարակըե իր հանգույն ի մի է բերել տնտեսական շաբաթը և, ոչ մի լուսավոր բան չգտնելով, ժամանակահատվածը որակել «ազգային ղումարբազությունե:

Մամուլը առանձնակի հետևողականությամբ է արձագանքել նախօրեին ԱԺ-ում վարչապետ Տիգրան Սարգսյանի արած հայտարարությանը ՀՀԿ-ի հետ համագործակցության վերաբերյալ: «Հրապարակըե անդրադարձել է հայտարարության առիթով վարչապետի օգնական Արամ Անանյանի մեկնաբանությանը («Հրաժարականը փրկեց կոալիցիանե), «Ժողովուրդըե հավելել է, թե մասնավորապես «ԲՀԿ ղեկավար Գագիկ Ծառուկյանը «հենց նույն օրըե հանդիպել է նախագահ Սերժ Սարգսյանին' հավանաբար պարզելու համար, թե ում նկատի ուներ վարչապետը' «կոտրած տաշտակով սպառնալովե: («Տաշտակակռիվե): Թեման չեն շրջանցել նաև «Հայացքըե («Վարչապետը' ԲՀԿ-ի փիարշչիկե), «Երկիրըե («Վարչապետակա՞ն, թե՞ հանրապետական մետամորֆոզներե), «168 ժամըե («Կատա՞կ է արելե), «Նովոյե վրեմյանե («Ինչ էր իրականում ցանկանում ասել վարչապետըե): «Երկու Կարեն Կարապետյանների անակնկալ հրաժարականները ցույց են տալիս, որ իշխանական դաշտում ռուսական կողմնորոշում ունեցող գործիչները սկսում են հեռանալ երկրիցե, եզրակացրել է «Ժողովուրդըե, արձագանքելով Երևանի քաղաքապետի հրաժարականին: Թեմային «խոսուն վերնագրերովե անդրադարձել են նաև մյուս պարբերականները: