1 րոպեի ընթերցում
ՄՈՍԿՎԱ, 31 ՀՈԿՏԵՄԲԵՐԻ, ԱՐՄԵՆՊՐԵՍ: ՌԴ-ի արտաքին գործերի նախարար Սերգեյ Լավրովը ընդգծել է ատոմային էներգիայի օգտագործման ոլորտում Իրանի գործունեության խաղաղ բնույթի նկատմամբ վստահության վերականգնման անհրաժեշտությունը: Նա այսօր Մոսկվա է վերադարձել Թեհրանից, որտեղ երեքշաբթի օրը բանակցություններ է անցկացրել Իրանի նախագահ Մահմուդ Ահմադինեժադի եւ այդ երկրի իր պաշտոնակից Մանուչեհր Մոթաքիի հետ: Լավրովը նշել է, որ այդ այցը «շատ օգտակար էր եւ հավաստեց հետեւողական եւ անկեղծ երկխոսության կարեւորությունըե: «Մենք հանդես ենք գալիս այն հարցերի բացառապես խաղաղ կարգավորման օգտին, որոնք հարուցել են համաշխարհային հանրակցության մտահոգությունըե,-նշել է նախարարը: «Հավաստում ենք, որ ներկայում Իրանի դեմ ձեռնարկվող միակողմանի առեւտրատնտեսական պատժամիջոցները չեն օգնում հավաքական ջանքերը շարունակելունե,-ընդգծել է Լավրովը: