1 րոպեի ընթերցում
ԿԱՊԱՆ, 17 ՕԳՈՍՏՈՍԻ, ԱՐՄԵՆՊՐԵՍ: »Դինո գոլդ մայնինգ քամփնի» ՓԲԸ շարունակում է սոցիալական ծրագրեր իրականացնել Կապանում: Նոր ուսումնական տարվա շեմին ընկերության ուշադրության կենտրոնում կրթօջախներն են: Բացի երեք համակարգիչներից, որոնք ընկերությունը նվիրել է Կապանի թիվ 6 հիմնական դպրոցին, նաեւ 1 մլն դրամ է տրամադրվել' կրթօջախի ուսուցչանոցի գույքի նորացման նպատակով:
«Ուսուցչանոցի գույքն արդեն հնացել է, այն մի քանի անգամ նորոգել ենք մեր ուժերով, այժմ նորի ձեռքբերման կարիքը կա: Կոմբինատի տրամադրած գումարով արդեն պատվիրել ենք սեղաններ, աթոռներ, բազկաթոռներ, գրապահարաններ, հեռուստացույց եւ այլն, որոնք շուտով տեղ կհասնեն», - ասաց դպրոցի տնօրենի պաշտոնակատար Մարինե Դավթյանը:
Իսկ կրթօջախի բարեկարգման աշխատանքները կատարվում են ծնողների եւ աշակերտների աջակցությամբ' ներկվում են դպրոցի պատերն ու ցանկապատը, բարեկարգվում է տարածքը: