1 րոպեի ընթերցում
ԳՅՈՒՄՐԻ, 9 ՕԳՈՍՏՈՍԻ, ԱՐՄԵՆՊՐԵՍ: Գյումրու նորաստեղծ «Մուշ 2» թաղամասում մեկնարկել են նոր դպրոցի շինարարական աշխատանքները: Ինչպես «Արմենպրես»-ի Շիրակի մարզի թղթակցին տեղեկացրեց մարզպետարանի քաղաքաշինության վարչության պետ Ալբերտ Մարգարյանը, դպրոցի նախահաշվային արժեքը մոտ 2 մլրդ դրամ է: Աշխատանքների իրականացման համար այս տարի պետական բյուջեից հատկացվել է 1 մլրդ դրամ:
Նշենք, որ աշխատանքներն իրականացվում են չորս կապալառու կազմակերպությունների կողմից' բոլորն էլ տեղի շինարարական կազմակերպություններ են:
Դպրոցը լինելու է եռահարկ'նախատեսված 1 180 աշակերտի համար: Կառույցն ունենալու է նաեւ սեփական կաթսայատուն: Այն նախատեսվում է շահագործման հանձնել 2012 թվականին: