1 րոպեի ընթերցում
ԳՅՈՒՄՐԻ, 8 ՕԳՈՍՏՈՍԻ, ԱՐՄԵՆՊՐԵՍ: Գյումրու երեք պետական բուհերի 129 դիմորդներից 42-ը չեն հաղթահարել անցողիկ շեմը:Նոր ուսումնական տարում բուհերը միասին կունենան 87 ուսանող:
Ինչպես հաղորդում է «Արմենպրես»-ի թղթակիցը Գյումրիից, նոր ուսումնական տարում ամենաքիչ թվով ուսանողներ ունենալու է Երեւանի պետական ճարտարագիտական համալսարանի Գյումրու մասնաճյուղը' ընդամենը երկու ուսանող:Նշենք, որ բուհն ուներ 9 դիմորդ, սակայն անցողիկ շեմը հաղթահարել են միայն երկուսը: Բուհի ղեկավարությունը վստահ է, որ հաջորդ տարի ուսանողների թիվը կավելանա' ի հաշիվ միջին մասնագիտական ուսումնական հաստատությունների պայմանագրային հիմունքով երկրորդ կուրս ընդունված շրջանավարտների:
Ի տարբերություն անցած տարիների, այս տարի ուսանողների քիչ թիվ է արձանագրել նաեւ Տնտեսագիտական համալսարանի Գյումրու մասնաճյուղը' 15 դիմորդներից անցողիկ շեմը հաղթահարել են 4-ը: Գյումրու Մ. Նալբանդյանի անվան մանկավարժական ինստիտուտի որոշ բաժիններ եւս չեն ձեւավորվի:Բուհ դիմած 100 դիմորդից ընդունվել է 81-ը: