1 րոպեի ընթերցում
ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ: Մարտիրոս Սարյանի տուն-թանգարանի տնօրեն Ռուզան Սարյանը մեկնել է Լոնդոն' մասնակցելու հունիսի 7-ին անցկացվելիք «Ռուսական արվեստի աճուրդ»-ին, որտեղ վաճառքի է հանվելու նաեւ Մարտիրոս Սարյանի «Կովկասյան քաղաքի փողոց» (Թիֆլիս) կտավը:
Ինչպես «Արմենպրես»-ի հետ զրույցում նշեց տուն-թանգարանի գիտաշխատող Բելլա Իսահակյանը, կտավը գնահատվել է 200-300 հազար եվրո եւ այդքան գումար չի կարող տրամադրել թանգարանը կամ ՀՀ մշակույթի նախարարությունը: «Մնում է միայն հուսալ, որ որեւէ հայ բարերար կգնի այն եւ կնվիրի տուն-թանգարանին»,- ասաց Բ. Իսահակյանը:
Նշենք, որ «Արթ դեյլի» ինտերնետային հանդեսը կտավը բնորոշել է որպես «բավականին հազվագյուտ գործ Սարյանի փարիզյան շրջանից»: