Սերգեյ Մովսիսյանը ձգտում է հաղթանակի

ԵՐԵՎԱՆ, 13 ԱՊՐԻԼԻ, ԱՐՄԵՆՊՐԵՍ: Հայաստանի առաջատար շախմատիստներից մեկը՝ գրոսմայստեր Սերգեյ Մովսիսյանը, հաջող է մեկնարկել Կրասնոդարի երկրամասի Օգլինկա քաղաքում սկսված Ռուսաստանի շախմատի թիմային առաջնության մրցաշարում: Նրա թիմը՝ Սանկտ Պետերբուրգի շախմատի ֆեդերացիայի հավաքականը, այս մրցաշարի առաջին փուլում 4,5:1,5 հաշվով հաղթել է Բելգորոդի պետական համալսարանի թիմին: Այս մասին «Արմենպրես»-ին տեղեկացրին Հայաստանի շախմատի ֆեդերացիայում: