398.94
Ալեքսանդր Լուկաշենկոն անհրաժեշտ է համարում արդյունաբերության եւ էներգետիկայի բնագավառում Ադրբեջանի հետ մի շարք խոշոր համատեղ նախագծերի
2 րոպեի ընթերցում
ՄԻՆՍԿ, 18 ՀՈԿՏԵՄԲԵՐԻ, ԱՐՄԵՆՊՐԵՍ: Բելառուսի նախագահ Ալեքսանդր Լուկաշենկոն անհրաժեշտ է համարում արդյունաբերության եւ էներգետիկայի բնագավառում Ադրբեջանի հետ մի շարք խոշոր համատեղ նախագծերի իրացումը: «Երկրները համագործակցության մեծ հեռանկարներ ունեն նավթի ու գազի ոլորտումե,- ասել է Ալեքսանդր Լուկաշենկոն Ադրբեջանի նախագահ Իլհամ Ալիեւի հետ ընդլայնված կազմով կայացած հանդիպմանը: Նա նշել է, որ Ադրբեջանում նավթի ու գազի խոշոր հանքավայրերի, իսկ Բելառուսում ժամանակակից հզոր նավթաքիմիական համալիրի առկայությունը «այն հիմքն են, որի վրա կարող են փոխշահավետ զարգանալ հարաբերությունները էներգետիկայի բնագավառումե: Բելառուսական կողմը շահագրգռված է հանրապետության տարածքով մղվող նավթի, այդ թվում՝ կասպիական, ծավալներն ավելացնելու հարցում, նշել է Բելառուսի նախագահը: «Պատրաստ ենք խոշովակաշարային տրանսպորտի ենթակառուցվածք տրամադրել կասպիական նավթը Մերձբալթիկա ու Լեհաստան տարանցման համարե,-ասել է նա: «Մենք նաեւ հնարավորություններ ունենք հանքավայրերի մշակման, նավթի ու գազի արդյունահանման համատեղ նախագծեր իրացնելու համարե,-ավելացրել է բելառուսական պետության ղեկավարը: Լուկաշենկոն ընդգծել է, որ երեքշաբթի օրը կայացած բանակցությունների ընթացքում Իլհամ Ալիեւն աջակցություն է ստացել այդ հարցերում:
Բաժանորդագրվեք մեր ալիքին Telegram-ում