368.54
ՀՀ ԱԳ նախարար Վ. Օսկանյանն ընդունել է ԵԽ գլխավոր քարտուղար Թ.Դեւիսին
1 րոպեի ընթերցում
ԵՐԵՎԱՆ, 5 ՆՈՅԵՄԲԵՐԻ, ԱՐՄԵՆՊՐԵՍ: ՀՀ ԱԳ նախարար Վարդան Օսկանյանն այսօր ընդունել է երկօրյա այցով Երեւանում գտնվող ԵԽ գլխավոր քարտուղար Թերի Դեւիսին: Ինչպես «Արմենպրեսե-ին տեղեկացրին ՀՀ ԱԳՆ մամուլի եւ տեղեկատվության վարչությունից, ողջունելով ԵԽ գլխավոր քարտուղարին` նախարար Օսկանյանը նշել է, որ այցը պատեհ առիթ է անդրադառնալ Հայաստան-ԵԽ գործակցությանն ու Հայաստանի ստանձնած պարտավորությունների իրագործմանը: Զրուցակիցներն անդրադարձել են մայիսին անցկացված խորհրդարանական ընտրություններին ու գալիք նախագահական ընտրությունների նախապատրաստման գործընթացին եւ կարեւորել են ԵԽ աջակցությունը Հայաստանի ընտրական օրենսգրքի մշակման, ընտրական օրենսդրության ու ընտրությունների բարելավման ուղղությամբ: Վարդան Օսկանյանը հյուրի հետ քննարկել է Նախիջեւանում մշակութային ժառանգության իրավիճակը գնահատելու նպատակով առաջարկվող փաստահավաք առաքելություն իրականացնելու հարցը եւ մեկ անգամ եւս վերահաստատել հայկական կողմի դիրքորոշումը: Կողմերն անդրադարձել են նաեւ ԼՂ հակամարտության կարգավորման ներկա փուլին, հիմնախնդրի լուծման հեռանկարին:
Բաժանորդագրվեք մեր ալիքին Telegram-ում