Հայաստանում 300 հազարից ավելի ոչ առաքելական հայկական եկեղեցու հետեւորդներ կան

ԵՐԵՎԱՆ, 24 ՄԱՐՏԻ, ԱՐՄԵՆՊՐԵՍ (թղթ. Լեւոն Հովսեփյան): Հայաստանում այսօրվա դրությամբ կան 300 հազարից ավելի ոչ առաքելական հայկական եկեղեցու հետեւորդներ: Այս մասին «Արմենպրեսե-ի թղթակցի հետ զրույցում նշեց «Քայքայիչ պաշտամունքից տուժածների վերականգնողական եւ օգնության կենտրոնիե նախագահ Ալեքսանդր Ամարյանը: Դրանցից 180 հազարը կաթոլիկներ են, 22-25 հազարը` խարիզմատներ, 12 հազարը` Եհովայի վկաներ, 50-60 հազարը` արարողապաշտներ, զրադաշտականության հետեւորդներ (քրդեր, եզդիներ), հազարը` մունականներ, 200- 300-ը` սայենտոլոգներ («խաբարդիե պաշտամունքի հետեւորդներ) եւ այլն: Կան նաեւ շուրջ 500 մուսուլման հայեր, որոնք կոչվում են բահայիներ: Հայաստանում գործող աղանդավորական շարժումները, հիմնականում, ունեն ամերիկյան, շվեդական եւ գերմանական ծագում: Կան նաեւ հարավկորեական, չինական եւ բուդդայական ծագման շարժումներ: Ըստ Ա. Ամարյանի` ներկայումս Հայաստանում գործում են աýրիկայն երկրների ներկայացուցիչների հիմնած մի քանի «եկեղեցիներե, մասնավորապես`Նիգերիայի ներկայացուցիչ Սանդեյ Ադելաջայի «Աստծո ժողովուրդե եկեղեցու մասնաճյուղը, որը կոչվում է «Կենդանի հավատքե: Հայաստանում այժմ գրանցված են 57 կրոնական կազմակերպություններ, որոնք, հիմնականում, պատկանում են 14 կրոնական ճյուղերի: Աղանդավորական կազմակերպությունների մի մասը գրանցված է ոչ միայն որպես կրոնական, այլեւ հասարակական, բարեգործական, կրթական եւ կոմերցիոն կազմակերպություններ ու գործում է տարբեր գործառույթների անվան տակ: Ըստ Ա. Ամարյանի` Հայաստանում մեծ բացթողում կա կրոնական կազմակերպությունների իրավական դաշտը կարգավորելու եւ դրանց նկատմամբ վերահսկողություն իրականացնելու առումով: