Հայ առաքելական եկեղեցու պատմությունը պարտադիր կդասավանդվի հանրապետության դպրոցներում

2 րոպեի ընթերցում

ԵՐԵՎԱՆ, 28 ՄԱՅԻՍԻ, ԱՐՄԵՆՊՐԵՍ (թղթ. Եվա Մովսիսյան): Նոր ուսումնական տարում հանրապետության դպրոցներում Հայ առաքելական եկեղեցու պատմությունը որպես պարտադիր առարկա կդասավանդվի 6-րդ, 7-րդ, 8-րդ, իսկ մինչեւ տարեվերջ` նաեւ 9-րդ եւ 10-րդ դասարաններում: Կրթական ազգային ինստիտուտի փոխտնօրեն Վարդան Ղուկասյանի խոսքերով, առարկան փորձնական ներդրվելով ուսումնական ծրագրում 2003 թ. սեպտեմբերի մեկից, ունի իր օբյեկտիվ դժվարությունները: Նշենք, որ դասընթացը դպրոցներում իրականացնում են Մայր աթոռ Սբ Էջմիածինը եւ ՀՀ կրթության եւ գիտության նախարարությունը: Ինչպես տեղեկացրեց Մայր աթոռի կրթական խորհրդի նախագահ Աբրահամ եպիսկոպոս Մկրտչյանը, հանրապետության 5 մարզերի ուսուցիչները, ովքեր չեն վերապատրաստվել, Վեհափառի անմիջական հովանավորությամբ ամռանը կանցնեն վերապատրաստման լրիվ դասընթացները: Ինչ վերաբերում է դասավանդողների մասնագիտական պատրաստվածությանը, Վ. Ղուկասյանը նշեց, որ հայոց լեզվի եւ հայ ժողովրդի պատմության վերապատրաստում անցած մասնագետները կարող են լիարժեք գիտելիքներ հաղորդել աշակերտին: Նա նկատեց, որ առարկան դասավանդում են նաեւ ԵՊՀ աստվածաբանական ýակուլտետի ուսանողները, սակայն ժամաքանակի թերբեռնվածությունը (8 դասաժամ) դժվարություններ է ստեղծում աստվածաբան շրջանավարտների դպրոց մուտք գործելու համար: Վ. Ղուկասյանի տվյալներով անհրաժեշտ է 2 000 մանկավարժ, որպեսզի բոլոր դպրոցներում առարկան լիարժեք մատուցվի, իսկ ներկա դրությամբ կա գործող մոտ 1 000 մանկավարժ: Խնդիրը, սակայն, ժամանակի ընթացքում կհարթվի: Գյուղական դպրոցներում այլ մասնագիտությամբ մանկավարժների կրոնի դասավանդումը Վ.Ղուկասյանը բացատրեց մասնագետներ չունենալով, սակայն ընդգծեց, որ հիշյալ մանկավարժները պետք է պարտադիր ունենան Քրիստոնեական դաստիարակության կենտրոնի երկամյա դասընթացների վկայականներ` դասավանդելու թույլտվություն ստանալու համար:

Հայերեն

Թրամփը Չինաստանի հետ իր հարաբերություններն անվանել է հիանալի և մեծ հաղթանակ երկու երկրների համար

Ֆրանսիայում թոշակառուները դուրս են եկել փողոց՝ բողոքելու ցածր թոշակների դեմ

Հայաստանը և ԵՄ-ն կարևորել են ընդհանուր ժողովրդավարական արժեքների վրա հիմնված գործընկերության շարունակական ամրապնդումը

Թբիլիսիում տեղի ունեցած պայթյունի հետևանքով զոհերի թիվը հասել է երեքի

ԵՄ-ն ռուսաստանցիների համար չեղարկել է Եվրոպայում ուսանելու «Էրազմուս» կրթաթոշակը

Սաուդյան Արաբիան հաստատում է, որ հութիների հարձակման հետևանքով վնասվել է Էր-Ռիադի ամենաբարձր շենքը

Պորտուգալիայում տներ և փողոցներ են հեղեղվել հորդառատ անձրևների ու սողանքների պատճառով

Ռոբերտ Աբիսողոմոնյանը միջազգային համաժողովում կարևորել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար

ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջաների ցեղասպանության մեջ

Նազելի լիճը լուսավորվել է կապույտ գույնով՝ խորհրդանշելով մաքուր, անվտանգ և առողջ միջավայրում մեծանալու երեխաների իրավունքը