Արագածոտնի Ափնա գյուղում համայնքապետ ընտրվեց Ռոբերտ Կարապետյանը

ԱՇՏԱՐԱԿ, 29 ՀՈՒՆԻՍԻ, ԱՐՄԵՆՊՐԵՍ (սեփ. թղթ. Վարդեւան Գրիգորյան): Համայնքապետի հերթական ընտրություն կայացավ Արագածոտնի մարզի Ափնա գյուղում: 369 ընտրողից քվեարկությանը մասնակցեց 294-ը: Ձայների առավելությամբ ընտրվեց գործող գյուղապետը՝ ՀՅԴ անդամ Ռոբերտ Կարապետյանը: Նրա օգտին քվեարկել է 175 ընտրող: Մյուս թեկնածուն՝ անկուսակցական Մելս Գալստյանը, հավաքել էր 100 ձայն: Ընտրությունը անցել է առանց միջադեպերի, բողոքներ չեն ստացվել: