Սերգեյ Լավրովը եւ Գելա Բեժուաշվիլին քննարկել են Վրաստանի հակամարտությունների կարգավորումը
1 րոպեի ընթերցում
ՄՈՍԿՎԱ, 25 ՍԵՊՏԵՄԲԵՐԻ, ԱՐՄԵՆՊՐԵՍ: Ռուսաստանի արտաքին գործերի նախարար Սերգեյ Լավրովը շաբաթ օրը Նյու Յորքում Վրաստանի արտգործնախարար Գելա Բեժուաշվիլիի հետ քննարկել է Վրաստանի հակամարտությունների կարգավորման հեռանկարները: «Կողմերը քննարկել են երկկողմ հարաբերությունների հարցերը եւ Վրաստանի տարածքում առկա հակամարտությունների կարգավորման հեռանկարներըե,- ասված է ՌԴ- ի տեղեկատվության եւ մամուլի հաղորդագրության մեջ: Հանդիպումը կայացել է ՄԱԿ-ի Գլխավոր ասամբլեայի 61-րդ նստաշրջանի շրջանակներում: