1 րոպեի ընթերցում
ՄՈՍԿՎԱ, 5 ՄԱՅԻՍԻ, ԱՐՄԵՆՊՐԵՍ: Ռուսաստանի արտաքին գործերի նախարար Սերգեյ Լավրովը կոչ է արել միջազգային հանրակցությանը՝ բոլոր ջանքերը գործադրել Իրանում ՄԱԳԱՏԷ-ի աշխատանքը շարունակելու համար: Անհրաժեշտ է Իրանում շարունակել ՄԱԳԱՏԷ-ի գործունեությունը, որպեսզի լուծվեն Թեհրանի մոտ ռազմական միջուկային ծրագրի առկայության հետ կապված հարցերըե,-հայտարարել է նախարարը այսօր Մոսկվայում կայացած ճեպազրույցի ժամանակ: «Անհրաժեշտ է պաշտպանել Իրանում ՄԱԳԱՏԷ-ի գործունեության շարունակումը, եւ հուսով եմ, որ թե Վիեննայում, թե Նյու Յորքում միջազգային հանրակցության բոլոր ջանքերն ուղղված կլինեն դրանե,-նշել է Լավրովը: Ռուսաստանի արտգործնախարարն ընդգծել է, որ այնպիսի կարեւոր ու լուրջ ոլորտում, որպիսին չտարածումն է, անհրաժեշտ է հենվել միայն պրոýեսիոնալների գնահատականների վրա: Մոսկվան միշտ մեջբերում է ՄԱԳԱՏԷ-ի փորձագետների գնահատականները, որոնք ցույց են տալիս, որ առկա տեղեկատվությունը թույլ չի տալիս եզրակացություն անել Թեհրանում ռազմական միջուկային ծրագրի առկայության կամ բացակայության մասին, ասել է Լավրովը: