1 րոպեի ընթերցում
ՓԱՐԻԶ, 13 ՀՈՒԼԻՍԻ, ԱՐՄԵՆՊՐԵՍ: Իրանի նկատմամբ ուժային պատժամիջոցները բացառված են: Այս մասին հայտարարել է Ռուսաստանի արտաքին գործերի նախարար Սերգեյ Լավրովը: «Ցանկանում եմ հատկապես ընդգծել, որ ինչպես եւ «վեցյակիե շրջանակներում համաձայնեցված մյուս բոլոր նախորդ փաստաթղթերում, այսօր հստակորեն հաստատված են ձեւակերպումներ, որոնք բացառում են ՄԱԿ-ի Անվտանգության խորհրդի կողմից Իրանի նկատմամբ ուժային գործողությունների թույլատրման ցանկացած հնարավորությունե,- ասել է Լավրովը վեց երկրների` Ռուսաստանի, ԱՄՆ-ի, Չինաստանի, Մեծ Բրիտանիայի, üրանսիայի եւ Գերմանիայի արտաքին գործերի նախարարների հանդիպման ավարտից հետո: «Մենք համոզված ենք, որ դա ճանապարհ է ոչ մի տեղ, ճանապարհ դեպի տարածաշրջանի եւս մեկ ճգնաժամ: Իրանական միջուկային հիմնախնդիրը կարգավորելու միակ ճանապարհն ու միջոցը բանակցություններն ենե,- հավելել է նախարարը: «Եթե Իրանը դրական պատասխան չտա «վեցյակիե առաջարկություններին, Անվտանգության խորհուրդը, իհարկե, կքննարկի հետագա հնարավոր քայլերը, որոնք համարժեք կլինեն ստեղծվող իրադրությանը եւ որոնք նախկինի պես ուղղված կլինեն գլխավոր նպատակին` ՄԱԳԱՏԷ-ի եւ Իրանի միջեւ համագործակցության ապահովմանը հասնելունե,- ասել է Սերգեյ Լավրովը: