Սերգեյ Լավրովը հուսով է, որ Թեհրանը դրականորեն կարձագանքի միջուկային հիմնախնդրի վերաբերյալ առաջարկություններին
2 րոպեի ընթերցում
ՄՈՍԿՎԱ, 23 ՀՈՒԼԻՍԻ, ԱՐՄԵՆՊՐԵՍ: Ռուսաստանի արտգործնախարար Սերգեյ Լավրովը հուսով է, որ Թեհրանը դրականորեն կարձագանքի իրանական միջուկային հիմնախնդրի վերաբերյալ միջազգային միջնորդների «վեցյակիե առաջարկություններին: Լավրովը նշել է, որ Իրանի միջուկային ծրագիրը քննարկվել է Սինգապուրում ԱՄՆ-ի պետքարտուղար Քոնդոլիզա Ռայսի հետ կայացած իր հանդիպմանը: «Վերջերս Ժնեւում տեղի ունեցած հանդիպումը թեեւ որեւիցե էական արդյունք չտվեց, այդուամենայնիվ հույս կա, որ իրանական կողմը դրականորեն կարձագանքի վեց պետությունների առաջարկությանըե,- ասել է նախարարը: «Աշխատելու ենք այդ ուղղությամբե,- հավելել է նա: Անցած շաբաթ օրը Ժնեւում կայացել է Եվրամիության արտաքին քաղաքականության եւ անվտանգության հարցերով գերագույն ներկայացուցիչ Խավիեր Սոլանայի եւ Իրանի ազգային ավտանգության գերագույն խորհրդի քարտուղար Սայիդ Ջալիլիի հանդիպումը, որին մասնակցել են «վեցյակիե` Մեծ Բրիտանիայի, Չինաստանի, Ռուսաստանի, ԱՄՆ-ի, üրանսիայի եւ Գերմանիայի արտաքին գործերի փոխնախարարները: «Բանակցությունները կառուցողական էին, բայց մենք հստակ պատասխան չստացանք այն հարցին, որը մեզ հետաքրքրում էե,- հանդիպման արդյունքների վերաբերյալ լրագրողներին հայտարարել է Սոլանան, որը բանակցություններում ներկայացնում է «վեցյակիե շահերը: Նրա խոսքով` կողմերը պայմանավորվել են բանակցությունների սեղանի շուրջ վերադառնալ երկու շաբաթից: «Ես հուսով եմ, որ շուտով մենք հստակ պատասխան կստանանք մեր առաջարկությունների ու մյուս հարցերի վերաբերյալե,- ասել է Սոլանան: Իր հերթին Ջալիլին հայտարարել է, որ բանակցությունները կառուցողական էին, եւ դրանց մասնակցած կողմերին հաջողվեց ավելի լավ հասկանալ միմյանց դիրքորոշումները: «Կան ընդհանուր կետեր, կան նաեւ այնպիսիները, որոնք տարաձայնություններ են հարուցումե,- ասել է նա: