Արարատ Միրզոյանը հանդիպել է Ռումինիայի արտաքին գործերի նախարարի հետ

2 րոպեի ընթերցում

Հայաստանի արտաքին գործերի և միջազգային առևտրի նախարար Արարատ Միրզոյանը նոյեմբերի 16-ին հանդիպել է Ռումինիայի արտաքին գործերի նախարար Դան Նեկուլաեսկուի հետ։

«Արմենպրես»-ի փոխանցմամբ՝ այդ մասին հաղորդագրություն է տարածել ՀՀ արտաքին գործերի և միջազգային առևտրի նախարարությունը։

Արարատ Միրզոյանը շնորհավորել է իր գործընկերոջը Ռումինիայի արտաքին գործերի նախարարի պաշտոնը ստանձնելու կապակցությամբ՝ հաջողություններ մաղթելով պատասխանատու առաքելության մեջ:

Զրուցակիցները քննարկել են Հայաստանի և Ռումինիայի միջև գործընկերության զարգացման հարցեր: Անդրադարձ է կատարվել առաջիկայում նախատեսվող բարձր մակարդակի այցելություններին, այդ թվում՝ երկկողմ հարաբերությունները որակապես նոր մակարդակի բարձրացնելու ընկալմամբ։

Նախարարները մտքեր են փոխանակել առևտրատնտեսական համագործակցության ընդլայնման, տնտեսական կապերի դիվերսիֆիկացման և հայկական արտադրանքի համար եվրոպական շուկաներ հասանելիության ընդլայնման հնարավորությունների շուրջ։ 

Նախարար Միրզոյանը և Դան Նեկուլաեսկուն քննարկել են ՀՀ-ԵՄ գործընկերության հետագա խորացման հարցեր։ Արարատ Միրզոյանը բարձր է գնահատել Ռումինիայի աջակցությունը ՀՀ-ԵՄ համագործակցության ընդլայնմանը, այդ թվում՝ հայկական արտադրանքի նկատմամբ ԵՄ առևտրային ինքնավար միջոցների կիրառման հարցում։ 

Հայաստանի և Ռումինիայի նախարարները մտքեր են փոխանակել Սևծովյան և Հարավային Կովկասի տարածաշրջաններում անվտանգային հարցերի շուրջ:

Հայերեն English Русский

Արարատ Միրզոյանը Բրյուսելում հանդիպել է Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցչի հետ

Ֆոն դեր Լայենը բարձր է գնահատել Քիշնևի առաջընթացը ԵՄ-ին անդամակցելու ճանապարհին՝ չնայած գործադրվող ճնշումներին. Moldpres

Երիտասարդ ամուսինները լեռներում հյուրատուն են հիմնել

Թափառող շների հարձակումների կանխարգելումը պահանջում է հրատապ և համակարգային լուծում՝ կենդանիների նկատմամբ մարդասիրական վերաբերմունքի հաշվառմամբ․ ՄԻՊ

ԱՄՆ-ն թույլ չի տա, որ Իրանի դեմ պատերազմը ձգձգվի տարիներ. Վենս

Արարատ Միրզոյանը հանդիպել է Ռումինիայի արտաքին գործերի նախարարի հետ

Ախուրիկում կառուցվում է նոր երիտասարդական կենտրոն

Ազգային ժողովի նիստ

Անհրաժեշտ կլինեն բարդ որոշումներ. Քուշները հայտնել է ռուս-ուկրաինական հակամարտության կարգավորման գործում առաջընթացի մասին

Վարդան Ոսկանյանը կշարունակի ղեկավարել Հայաստանի ձյուդոյի ֆեդերացիան