«Իմպրովիզատորներ․ 10 տարի» հումորային շոուն կներկայացվի Երևանում

«Իմպրովիզատորներ․ 10 տարի» հումորային շոուն կներկայացվի Հայաստանի հանդիսատեսին։ Այն տեղի կունենա նոյեմբերի 20-ին Կարեն Դեմիրճյանի անվան մարզահամերգային համալիրի փոքր դահլիճում։

«Արմենպրես»-ի հաղորդմամբ՝ «Իմպրովիզատորներ»-ը շոու է, որտեղ կատակերգությունը ստեղծվում է հենց հանդիսատեսի աչքի առաջ՝ առանց նախապես գրված սցենարի և պատրաստված կատակների։ Շոուի ընթացքում Արսենի Պոպովը, Դմիտրի Պոզովը, Սերգեյ Մատվիենկոն և Անտոն Շաստունը ստեղծում են կատակերգական իրավիճակներ, կերպարներ և պատմություններ՝ դրանք հորինելով անմիջապես բեմում։ Շոուի գլխավոր առանձնահատկություններից մեկը հանդիսատեսի անմիջական մասնակցությունն է։ Հենց հանդիսատեսն է առաջարկում թեմաներ, իրավիճակներ և գաղափարներ, որոնց հիման վրա մասնակիցները բեմում ստեղծում են նոր սյուժեներ։ Այսպիսով, յուրաքանչյուր ներկայացում ստանում է իր յուրահատուկ ընթացքը, իսկ հանդիսատեսը դառնում է երեկոյի միաժամանակյա մասնակիցն ու համահեղինակը։ «Իմպրովիզատորներ․ 10 տարի» շոուն նվիրված է նախագծի տասնամյակին և երևան է բերում հայտնի քառյակի կենդանի բեմական ձևաչափը՝ անկանխատեսելի իրավիճակներով, արագ արձագանքներով և հանդիսատեսի հետ անմիջական շփմամբ։