2 րոպեի ընթերցում
Երևանի «Ուրարտու» ակումբի գլխավոր մարզիչ է նշանակվել Հայկ Միլքոնը։
«Արմենպրես»-ի փոխանցմամբ՝ այս մասին հայտնել է «Ուրարտու» ակումբի մամուլի ծառայությունը։
«Հայկ Միլքոնն իր մարզչական կարիերան անցկացրել է Բելգիայում։ Նա աշխատել է «Անտվերպենի» Մ21 թիմում՝ որպես մարզչի օգնական, «Գենտ»-ի երիտասարդական թիմում՝ որպես մարզիչ, այնուհետև գլխավորել է «Բրյուգե»-ի Մ18 թիմը, իսկ ավելի ուշ եղել է «Բրյուգեի» գլխավոր թիմի մարզչի օգնականը։
Մասնագետի վերջին ակումբը Բելգիայի բարձրագույն խմբում հանդես եկող «Դենդեր»-ն եղել, որտեղ նա զբաղեցրել է գլխավոր մարզչի պաշտոնը։
«Ուրարտու» ֆուտբոլային ակումբը վստահ է, որ Հայկ Միլքոնի փորձը, մասնագիտական և անհատական որակները, ինչպես նաև մարտական ոգին նոր լիցք կհաղորդեն թիմին և կնպաստեն առաջադրված նպատակների իրականացմանը։
Մաղթում ենք Հայկ Միլքոնին հաջողություններ, արդյունավետ աշխատանք և բազմաթիվ հաղթանակներ «Ուրարտուի» ղեկին»,- ասված է հաղորդագրության մեջ։
Հիշեցնենք, որ 2026 թվականի ապրիլի 17-ին Բրյուսելում «Արմենպրես»-ի թղթակիցը հարցազրույց էր անցկացրել Հայկ Միլքոնի հետ, որում վերջինս շեշտել էր, որ մեծ պատիվ կհամարի Հայաստանի ֆուտբոլի ազգային հավաքականը գլխավորելու հնարավորությունը։