1 րոպեի ընթերցում
Հռոմի պապ Լևոն XIV-ի մոտ թոքի քաղցկեղ է ախտորոշվել այն բանից հետո, երբ հոկտեմբերի 13-ին վիրաբույժները հեռացրել են նրա աջ թոքի մի մասը։ «Արմենպրես»-ի փոխանցմամբ՝ այս մասին հայտնել է Վատիկանը։
Տեղեկագրի համաձայն՝ Հռոմի պապի մոտ հայտնաբերվել է թոքի ադենոկարցինոմա՝ քաղցկեղի տարածված տեսակներից մեկը։ Վիրահատության ընթացքում վերցված հյուսվածքների հետազոտության արդյունքները հաստատել են այն կասկածները, որոնք բժիշկներն ունեցել էին նախնական հետազոտությունների հիման վրա։
Լևոն պապն ընդունվել էր Հռոմի «Ջեմելի» հիվանդանոց, որպեսզի բժիշկները հեռացնեն վերջերս հայտնաբերված գոյացությունը։
Լևոն XIV-ի գլխավոր վիրաբույժ Ստեֆանո Մարգարիտորան և անձնական բժիշկ Լուիջի Կարբոնեն հայտարարության մեջ նշել են, որ վիրահատությունը տևել է մոտ 90 րոպե և հաջողությամբ է ավարտվել՝ առանց բարդությունների։
«Լիարժեք հեռացումն ապահովելու նպատակով աջ թոքի ստորին բիլթը հեռացվել է տեսաօժանդակող տեխնիկայի օգնությամբ»,- ասվում է հայտարարության մեջ։
Լևոն XIV-ը նորմալ արթնացել է և կարճ բուժզննումից հետո տեղափոխվել իր հիվանդասենյակ։