Առաջիկա օրերին Հայաստանում սպասվում է առանց տեղումների եղանակ

Հոկտեմբերի 11-ի ցերեկը, 12-ին, 13-ի և 14-ի գիշերը Հայաստանի Հանրապետության տարածքում սպասվում է առանց տեղումների եղանակ:

«Արմենպրես»-ի փոխանցմամբ ՝ այդ մասին հայտնում է Հիդրոօդերևութաբանության և մոնիթորինգի կենտրոնը։

Հոկտեմբերի 13-ի և 14-ի ցերեկը, 15-16-ի գիշերը և կեսօրից հետո առանձին շրջաններում սպասվում է անձրև, հնարավոր է նաև ամպրոպ։

Քամին՝ հյուսիսարևմտյան՝ 2-5 մ/վ։

Օդի ջերմաստիճանն էապես չի փոխվի։

Երևանում հոկտեմբերի 11-ի ցերեկը, 12-ին սպասվում է առանց տեղումների եղանակ։ Հոկտեմբերի 13-ի, 14-ի և 16-ի երեկոյան ժամերին, 15-ի գիշերը և կեսօրից հետո սպասվում է կարճատև անձրև, հնարավոր է նաև ամպրոպ։