ՀՀ ԿԳՄՍ նախարարը հանդիպել է Ֆրանսիայի Ժան Մուլեն Լիոն 3 համալսարանի նախագահ Ժիլ Բոննեի հետ

3 րոպեի ընթերցում

Հայաստանի կրթության, գիտության, մշակույթի և սպորտի նախարար Ժաննա Անդրեասյանը հանդիպել է Ֆրանսիայի Ժան Մուլեն Լիոն 3 համալսարանի նախագահ Ժիլ Բոննեի հետ: Նա Երևանում է գտնվում՝ Հայաստանում ֆրանսիական համալսարանի «Միսաք Մանուշյան» անունը կրող շրջանավարտների հոսքի դիպլոմների հանձնման հանդիսավոր արարողությանը մասնակցելու նպատակով:

Հանդիպմանը ներկա է եղել նաև նախարարի տեղակալ Քրիստինա Թաթարյանը:

«Հայաստանում ֆրանսիական համալսարանում Միսաք Մանուշյանի անունը կրող հոսքի ձևավորումը ևս մեկ անգամ փաստում է Հայաստանի և Ֆրանսիայի պատմական և մշակութային կապերի մասին: Սա նշանակում է, որ խոսում ենք ոչ միայն բուհում մասնագիտություն ձեռք բերելու, այլև ընդհանուր արժեքներ ձևավորելու մասին»,- ինչպես «Արմենպրես»-ը տեղեկանում է ԿԳՄՍ նախարարության տարածած հաղորդագրությունից, ողջունելով հյուրին՝ նշել է նախարար Ժաննա Անդրեասյանը։

ԿԳՄՍ նախարարն ընդգծել է բուհի կարևոր դերակատարությունը Հայաստանի կրթական համակարգում և շեշտել՝ Կառավարությունը ջանքեր է գործադրում բարձրագույն կրթության համակարգի զարգացման ուղղությամբ։

Քննարկման ընթացքում նշվել է, որ ՀՀ կառավարության որոշմամբ Հայաստանում ֆրանսիական համալսարանի գործունեության համար տարածք է տրամադրվել, որը կնպաստի ՀՖՀ-ի ենթակառուցվածքային զարգացմանը, ինչպես նաև ակադեմիական համագործակցության խորացմանը:

Ժաննա Անդրեասյանն անդրադարձել է նաև 2027 թ. Հայաստանում անցկացվելիք Ֆրանկոֆոնիայի 10-րդ մարզամշակութային խաղերին՝ այստեղ ևս նշանավորելով բուհի դերակատարումը ֆրանսախոս կամավորների տրամադրման, ինչպես նաև այլ կամավորների համար ֆրանսերենի ուսուցման կազմակերպման հարցում:

Ժան Մուլեն Լիոն 3 համալսարանի նախագահ Ժիլ Բոննեն շնորհակալություն է հայտնել հանդիպման համար՝ նշելով, որ Հայաստանում ֆրանսիական համալսարանի նոր ռազմավարությունը մշակման փուլում է, և ֆրանսիական կողմը կարևորում է Հայաստանի կրթական համակարգի զարգացման ռազմավարությանը համահունչ գործունեությունը։

Կողմերն անդրադարձել են Հայաստանում ֆրանսիական համալսարանի միջազգայնացմանը, վարկանիշավորման համակարգում բուհի ներգրավմանը, բարձրագույն կրթության նոր ծրագրերի մշակմանը, «Ակադեմիական քաղաք» ռազմավարական նախաձեռնության շրջանակում դրա դերի ընդգծմանը վերաբերող հարցերի:

Հայերեն English Русский

Հրազդանը և Վաղարշապատը մրցում են 2028 թ․ երիտասարդական մայրաքաղաքի կոչման համար․ առցանց քվերարկություն

Արաբական կոալիցիան հաղորդել է Էր Ռիադի վրա հութիների արձակած թևավոր հրթիռի կալանման մասին

Հայտնի են 2027 թվականի ձմեռային զորակոչի և զորացրման ժամկետները

Ֆասթ Բանկն առաջարկում է արագ, առանց միջնորդավճարի ԱՄՆ դոլարով փոխանցումներ

Կառավարությունը 1 տարով կերկարաձգի Ղարաբաղից տեղահանված անձանց ժամանակավոր պաշտպանության կարգավիճակի գործողության ժամկետը

Թուրքմենստանը և Պակիստանը պայմանավորվել են ընդլայնել փոխգործակցությունն էներգետիկայի ոլորտում

Հայաստանի կառավարությունը նախատեսում է վարկ ներգրավել սահմանային անցակետերի արդիականացման համար

Հայաստանն ու Օմանը դիվանագիտական անձնագիր ունեցող անձանց փոխադարձաբար կազատեն վիզայի պահանջից

Գյումրիի գլխավոր տոնածառի և քաղաքի տոնական ձևավորման համար կհատկացվի 37 մլն 350 հազար դրամ

Կանադան լրացուցիչ 31,5 միլիոն դոլար է հատկացրել Ուկրաինային զենքի մատակարարումների համար