Ադրբեջանի և Ռուսաստանի փոխվարչապետները քննարկել են էներգետիկայի և լոգիստիկ ոլորտներում համագործակցությունը

Բաքվում հանդիպել են Ադրբեջանի փոխվարչապետ Շահին Մուստաֆաևը և Ռուսաստանի փոխվարչապետ Ալեքսանդր Նովակը։

«Արմենպրես»-ի հաղորդմամբ՝ այս մասին հայտնում են ադրբեջանական լրատվամիջոցները։

Ադրբեջանի նախարարների կաբինետից հայտնել են, որ կողմերը քննարկել են երկկողմ հարաբերությունների ներկա վիճակն ու զարգացման հեռանկարները։

Անդրադարձ է կատարվել առևտրատնտեսական համագործակցությանը, այդ թվում՝ արդյունաբերության, էներգետիկայի, տրանսպորտի և լոգիստիկայի ոլորտներում։