1 րոպեի ընթերցում
Իրանի մայրաքաղաքում մեկնարկել են «Ջան Ֆադա» («Պատրաստ ենք զոհաբերության») ժողովրդական-զորային լայնածավալ զորավարժությունները, որոնց մասնակցում է 313 000 մարդ։ Զորավարժությունները տեղի են ունենում «Լաբբեյք յա Խամենեի» («Մենք արձագանքում ենք քո կոչին, Խամենեի՛») կարգախոսի ներքո։
«Արմենպրես»-ի փոխանցմամբ՝ այս մասին հաղորդում է IRNA գործակալությունը:
Ինչպես հայտարարել է Իսլամական հեղափոխության պահապանների կորպուսի (ԻՀՊԿ) Զորահավաքի կազմակերպման («Բասիջ») ղեկավար Հոսեյն Թայեբը, զորավարժությունները կոչված են ցուցադրելու ազգային բարձր տոկունությունը, հասարակության համախմբումը և երկրի պատրաստությունն՝ ապահովելու կայուն անվտանգություն՝ արտաքին սպառնալիքների և ԱՄՆ-ի կողմից ճնշման ֆոնին:
Թայեբի խոսքով՝ ժողովրդական պաշտպանության կազմակերպումը մնում է ցանկացած հնարավոր ագրեսորի զսպման առանցքային գործոն: