Սերբիայում Դանուբի ջրի մակարդակը պատմական նվազագույն ցուցանիշ է գրանցվել

2 րոպեի ընթերցում

Դանուբը, որը Եվրոպայի ջրային տրանսպորտային կարևորագույն զարկերակն է, լուրջ հետևանքներ է կրել ամառային ծայրահեղ երաշտի և տեղումների երկարատև բացակայության պատճառով: «Արմենպրես»-ի փոխանցմամբ՝ այս մասին հաղորդել է սերբական RTS հեռուստառադիոալիքը։

Ըստ լրատվամիջոցի տվյալների՝ Վոյվոդինայում (Սերբիայի և Հունգարիայի սահմանին) գտնվող «Բեզդան» չափիչ կայանը գրանցել է ջրի մակարդակի հերթական պատմական նվազագույն ցուցանիշը՝ սովորականից 173 սանտիմետրով ցածր։

«Սա նոր պատմական նվազագույն ցուցանիշ է՝ Դանուբի ամենացածր գրանցված մակարդակն այս կայանում», - իրադրությունը մեկնաբանել է «Վոդե Վոյվոդինա» պետական ​​ձեռնարկության տնօրենի պաշտոնակատար Իգոր Կոլակովիչը։

Նա նշել է, որ օգոստոսին պատմական նվազագույն ցուցանիշներ գրանցվել են երկու անգամ (169 սանտիմետրով ցածր), ինչը նշանակում է, որ Դանուբի ներկա վիճակն ավելի վատ է, քան մեկ ամիս առաջ էր։

Կոլակովիչի խոսքով՝ բարդ իրավիճակ է ստեղծվել նաև Տիսա գետի վրա։

«Վերջին օրերին մենք այնտեղ նույնպես խնդիրների ենք բախվել, քանի որ Տիսայի ջրահոսքը նույնպես պատմական նվազագույն մակարդակի վրա է. այն մոտեցել է կենսաբանական նվազագույնին», - ասել է նա։

RTS-ը նշում է, որ Սերբիայի մի շարք տարածաշրջաններում էքսկավատորներ են ուղարկվել գետի հունը խորացնելու նպատակով. ջրամատակարարման հետ կապված խնդիրները մեղմելու համար գործի են դրվել լրացուցիչ պոմպեր։

Եվրոպա

Ռումինիան Դանուբ գետի մակարդակի կտրուկ անկման պատճառով փակել է միակ ատոմակայանը

Հայերեն Русский

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը

Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն

3,79 միլիարդ դոլար՝ մեկ օրում. GTA VI-ը ռեկորդ է սահմանել տեսախաղերի պատմության մեջ

Շիրակի մարզում մեկնարկել է կարկտահարությունից տուժած բնակիչներին և տնտեսություններին մասնակի փոխհատուցման տրամադրման գործընթացը

Եվրոպական ինդեքսները նվազել են - 20/11/26

Ամերիկյան ինդեքսները նվազել են - 20/11/26