1 րոպեի ընթերցում
Եմենի հութիների զինված ուժերի պաշտոնական ներկայացուցիչ Յահյա Սարին հայտարարել է, որ Եմենի դեմ Սաուդյան Արաբիայի գործողությունները անպատասխան և անպատիժ չեն մնա։ Ինչպես հաղորդում է «Արմենպրես»-ը, Սարին այս մասին գրել է X-ի իր պաշտոնական էջում։
Նրա պնդմամբ՝ Եմենի շրջափակմանը զուգահեռ Սաուդյան Արաբիան սրել է իրավիճակը՝ օդային հարվածներ հասցնելով և կոտորածներ իրականացնելով, որոնցից վերջինը, ըստ նրա, տեղի է ունեցել Ալ Ջաուֆի նահանգում։
Սարին նաև Սաուդյան Արաբիային մեղադրել է Եմենի տարածքում հետախուզական թռիչքներ իրականացնելու և հութիներին հակադրվող ուժերին տարբեր տեսակի սպառազինություն մատակարարելու մեջ։
«Սաուդյան թշնամին պետք է կրի Եմենի ժողովրդի դեմ իր հանցագործությունների հետևանքները»,- հայտարարել է հութիների ռազմական խոսնակը։
Սաուդյան Արաբիան դեռևս չի արձագանքել մեղադրանքներին։