Վահագն Խաչատուրյանը շնորհավորական ուղերձ է հղել Ղրղզստանի նախագահ Սադիր Ժապարովին

Հայաստանի նախագահ Վահագն Խաչատուրյանը շնորհավորական ուղերձ է հղել Ղրղզստանի Հանրապետության նախագահ Սադիր Ժապարովին՝ Անկախության օրվա կապակցությամբ:

«Արմենպրես»-ի փոխանցմամբ՝ այդ մասին հայտնում է ՀՀ նախագահի աշխատակազմի տեղեկատվության և հասարակայնության հետ կապերի վարչությունը։

«Անկախության տարիներին Ղրղզստանն էական առաջընթաց է արձանագրել պետականաշինության, սոցիալ-տնտեսական և մի շարք այլ ոլորտներում:

Վստահ եմ, որ համատեղ ջանքերով կշարունակենք զարգացնել Հայաստանի և Ղրղզստանի միջև քաղաքական երկխոսությունն ու ակտիվ փոխգործակցությունը՝ ի շահ մեր ժողովուրդների»,- ասվում է ուղերձում:

Անկախության օրվա առթիվ Ղրղզստանի նախագահին շնորհավորական ուղերձ է հղել նաև ՀՀ վարչապետ Նիկոլ Փաշինյանը։