1 րոպեի ընթերցում
Նեպալում սառցադաշտի փլուզման հետևանքով տեղի ունեցած ջրհեղեղի զոհերի թիվը հասել է առնվազն 475-ի։ «Արմենպրես»-ի փոխանցմամբ՝ այս մասին հաղորդում է BBC-ն:
Ջրհեղեղը տեղի էր ունեցել Նեպալի և Չինաստանի սահմանին օգոստոսի 26-ին։ Ավելի քան 1400 մարդ դեռ անհետ կորած է։ Նրանց թվում կա 700 օտարերկրացի։ Նեպալում անհետ կորածների թիվը շուրջ 900 է, Տիբեթում՝ 550։ Տիբեթում հաստատվել է 3 մարդու մահը։
Չինաստանի իշխանությունները հայտնել են, որ առավոտյան կարողացել են 555 զբոսաշրջիկի տարհանել։ Միևնույն ժամանակ, Տիբեթում փրկարարական աշխատանքները դադարեցվել են, քանի որ կա վտանգ, որ սողանքից հետո ձևավորված լիճը կարող է կրկին հեղեղներ առաջացնել։
Կարմիր խաչի միջազգային ֆեդերացիայի Նեպալի գրասենյակի ղեկավար Դեյվիդ Ֆիշերը CNN-ն հայտնել է, որ որոնողափրկարարական աշխատանքները շատ բարդ են՝ նոր հեղեղի վտանգի պատճառով։ Նրա խոսքով՝ աշխատանքներ են տարվում ճանապարհների վերաբացման ուղղությամբ՝ հասնելու արգելափակված համայնքներ, որոնց դեռ չի հաջողվել օգնություն հասցնել։