Զինծառայողներին վրաերթի ենթարկելու գործով հանրային քրեական հետապնդում է հարուցվել ևս մեկ անձի նկատմամբ

Ճամբարակ-Վահան ավտոճանապարհին մի խումբ զինծառայողների վրաերթի ենթարկելու դեպքի առթիվ նախաձեռնված քրեական վարույթի շրջանակներում ևս 1 անձի նկատմամբ հարուցվել է հանրային քրեական հետապնդում։

«Արմենպրես»-ի փոխանցմամբ՝ այդ մասին հաղորդագրություն է տարածել ՀՀ քննչական կոմիտեն։

«Օգոստոսի 19-ին Ճամբարակ-Վահան ճանապարհին տեղի ունեցած վրաերթի դեպքի առթիվ նախաձեռնված քրեական վարույթի շրջանակում 1 անձի նկատմամբ հարուցվել է հանրային քրեական հետապնդում՝ Քրեական օրենագրքի 549-րդ հոդվածի 3-րդ կետով (իշխանազանցությունը կամ իշխանությունը չարաշահելը):

Վերջինս ձերբակալվել է՝ դատարան ներկայացվելու նպատակով:

Հիշեցնենք, որ հանրային քրեական հետապնդում էր հարուցվել նաև տրանսպորտային միջոցի վարորդի նկատմամբ, ով կալանավորվել է»,- ասված է Քննչական կոմիտեի հաղորդագրության մեջ:

Հիշեցնենք, որ օգոստոսի 19-ին տեղի ունեցած վրաերթի հետևանքով մեկ զինծառայող մահացել էր, մի քանիսը ստացել էին տարբեր վնասվածքներ։