Թեհրանը չի զիջի ճնշմանը, Վաշինգտոնը պետք է հարգի Իսլամաբադի հուշագիրը․ Իրանի խորհրդարանի նախագահ
2 րոպեի ընթերցում
Իրանի խորհրդարանի խոսնակ Մոհամմադ Բաղեր Ղալիբաֆը հայտարարել է, որ Իրանը չի ընկրկի ԱՄՆ ճնշման առջև՝ միաժամանակ կոչ անելով Վաշինգտոնին հարգել Իսլամաբադի փոխըմբռնման հուշագրի շրջանակներում ստանձնած իր պարտավորությունները։
«Արմենպրես»-ի փոխանցմամբ՝ այս մասին հայտնում է IRNA գործակալությունը՝ նշելով, որ Իրանի խորհրդարանի խոսնակն այս մասին հայտարարել է Պակիստանի բանակի գլխավոր ֆելդմարշալ Ասիմ Մունիրի հետ հանդիպման ժամանակ։
Ղալիբաֆը ընդգծել է, որ Իսլամաբադի փոխըմբռնման հուշագրի շրջանակներում երկու կողմերի պարտավորությունները հստակ են՝ նշելով, որ Միացյալ Նահանգների կողմից իր պարտավորությունները չկատարելը խոչընդոտել է տարածաշրջանային կայունությունը և ավելի է խաթարել Վաշինգտոնի նկատմամբ վստահությունը։
Նա նաև մերժել է այն միտքը, որ արտաքին ճնշումը կարող է ազդել Իրանի վրա՝ պնդելով, որ Թեհրանը շարունակում է հանձնառու մնալ հուշագրի պայմանների կատարմանը։ Ղալիբաֆն ասել է, որ Միացյալ Նահանգները պետք է կատարի համաձայնագրում նշված իր պարտավորությունները։
Իր հերթին, Ասիմ Մունիրը հայտարարել է, որ կշարունակի ջանքեր գործադրել տարածաշրջանում կայունությունը վերականգնելու համար։
Իսլամաբադի հուշագիրը (կամ փոխըմբռնման հուշագիրը) ստորագրվել է 2026 թվականի հունիսին ԱՄՆ-ի և Իրանի միջև, որը միտված է երկրների միջև լարվածության թուլացմանն ու հրադադարի կամ հակամարտության կարգավորմանը։